Motor Kontra Sikad, Driver Na-Hospital

Na hospital ang driver sa usa ka motorsiklo, human midasmag ang iyang gisakyan ngadto sa gika-engkwentro nga motorsikad didto sa National Highway, Poblacion, Tubod, Surigao del Norte alas 6:45 ang takna sa gabii niadtong Enero 13.

Matud sa pulis report, ang single XRM motorcycle nga may plate number MT 3683 ug gimaneho sa usa ka Sabino Y Paramo, 30-anyos ang edad, minyo, midasmag ngadto sa usa ka motorsikad nga gipanag-iya ni Esperanza Maturan, taga barangay Marga, Tubod.

Matud sa imbestigasyon, ang motorsiklo naggikan pa sa Placer, Surigao del Norte paingon sa Mainit. Apan pag-abot gyod sa Poblacion Tubod, aksidenteng midasmag sa gika-engkwentro nga motorsikad.

Tungod sa maong aksidente, gidali pagdala ngadto sa Caraga Regional Hospital ang driver sa XRM.

Gipaabot pa ang follow-up report labot sa kahimtang sa driver sa pagsulat ning maong report kagahapon.