SKYGO UG HONDA NAGSUNGAG; 1 Patay, 3 Samdan
USA ANG PATAY, ug tulo ang samaron dihang nagsungag ang motorsiklong HONDA didto sa kilometro 16, Brgy. Mabuhay, Sison, Surigao del Norte, alas 8:30 ang takna niadtong miaging gabii.
Ang skygo-150CCX nga may plate number 9890, gipanang-iya ug gimaneho ni RIZAL SILONA TABUZO, 36-anyos, minyo ug mulopyo sa Brgy. Quezon,
Ang Honda XRM-125-CC sa laing bahin, gipanag-iya usab ni NELSON BALAGDAN LUNA, 43-anyos, minyo nga taga Del Rosario, Tubod, ug gimaneho ni CHARLITO REVIL MANTIZA.
Matod sa report, ang driver sa Skygo motor, nag-antos sa grabeng mga samad sa nagkalain laing parte sa lawas, mao nga gidala dayon siya sa CARAGA Regional Hospital. Apan pipila lamang ka minuto gibalhin kini ngadto sa Miranda Family Hospital. Ug pagka-alas 4:30 sa kaadlawon, sa pagkasunod nga adlaw (Enero 6), gideklarang patay na ang maong driver.
Sumala sa imbestigasyon, ang skygo nagdagan gikan sa Butuan paingon sa direksiyon sa Surigao City samtang ang Honda XRM nagdagan usab sa pikas nga direksiyon – gikan Surigao City. Sa pag-abot na sa Brgy. Mabuhay, Sison, mi-overtake ang Honda XRM sa Multicab ug miagi sa pikas nga lane, hinungdan nga nabanggaan ang Skygo motorsiklo.
Ang duha ka mga motor parehong nangatumba sa karsada.
Ug ang driver usab sa Honda XRM uban sa duha niya ka backriders nga sila ni MARTHY ARTIZA MONTILLA, 37 anyos, minyo, molupyo sa Alegria, Surigao del Norte ug NELSON LUNA gidali pod pagdala ngadto sa Medical Center.
Nagpadayon pa ang imbestigasyon ning maong hitabo. (
