Isyu – Isyu Lang!  

Marajaw na adlaw sa mga Surigaonon! Oist, amo nabatian kuman na gikatakdang tawgon sa hawanan sa konseho si Mr. Bonpin, tag-ija nan SRBC, bahin inin ‘soon to open’ kuno na mall diri sa Surigao City, na hantud kuman ya pa gani maligdok. Pangutan-on kuno si Mr. Bonpin uno namay latest developments inin ija mall. Kun mapadajon paba ini o dili. Si Mayor Pons Casurra hugot sab na musoporta ini na move nan konseho.

Arang na sab na mga Surigaonons an nangutana kun-o paman ini masugdan. ‘Tawon kita raman na karaan na nasyudad sa Pilipinas an ya pay sinehan. Uy, ya kunoy sesyon kahapon sa syudad kay way kurom. Nauno na, hain naman baja inin ato mga konsehal kuman? hehe.

xxx


Kutob rakan kuman biyernes, Feb. 29 an mga habal-habal na magbiyahe sa Surigao. Amo ini an laong nan taga LTO ug City Traffic kay ila namatikdan na medyo nutaas an disgrasya sa habal-habal.

Inday lage kun kun-o maghamok an disgrasya sa mga motor amo paman sila mandakop. Pastilan sab.

xxx

Adton pagselebrar nato nan People Power last Monday, February 25, mihatag ug pamahayag si Gob. Ace Barbers bahin kining giatubang karon nga krisis pulitika sa atong nasod. Sa iyang pamahayag, hugot pa gihapon siya nga misuporta sa liderato ni Pres. Arroyo, giawhag kuman ni Gov. Ace na hunongon anay jaon pamulitika. Ipakilid lage anay kuman an pamulitika kay dili kuno kana makatabang sa atong ekonomiya.

Hala mga Surigaonon, umay ijo ikasulti?

AddThis Social Bookmark Button

2 comments

  • JP  
    February 29, 2008 at 9:09 PM

    No comment anay sa mga isyu. Hehehe. Mga good news anay ta kon jaon.

  • Anonymous  
    March 1, 2008 at 4:20 AM

    Gov. Ace,
    Sakto kaw gajud ajaw anay pamulitika. Ajaw anay pagstorya nan ijo pag-alliance nan mga Sering sa sunod na election kay pamulitika man ini. Himoa anay ton imo trabaho. Jaon mga kabayo sa likod nan imo opisina sanan atbang nan governor's mansion nanimaho na gajud. Lakip ba jaon sa budget nan imo opis? Kinahanglan ba gajud ini??? Simay gajud smart na official naglaong magmaintain nan kabayo? Tapos oman up to date ba an sweldo nan mga empleyado sa capitol??? Puro ra storya lagi.

Post a Comment