Igsuon Gidunggab sa Igsuon
GRABE KARON sa tambalanan ang usa ka 26-anyos nga ulitawo human giunay pagdunggab sa iyang magulang didto sa Purok Sampaguita, Espina Extension, Barangay
Taft, Surigao City pasado alas 5:00 ang takna sa hapon niadtong usa ka adlaw.
Ang biktima giilang si JEFFREY EDER, taga Brgy. Taft, Surigao City. Ang suspek mao ra pod si JERNELL EDER, 28 anyos, magulang sa biktima. Sumala sa pulis report, kalit lang gisipa sa magulang nga si JERNELL EDER ang biktima nga si JEFFREY EDER. Abtik nga mipugong sa magulang ang manghod pinaagi sa pagsulti nga “ayaw dinhi sa sulod kay naa si mama”. Nagtuo ang manghod na ang magulang isip pagtahod ngadto sa ilang inahan. Wala diay kini masayod nga gihulbot na sa magulang ang iyang kutsilyo nga batangas ug gidunggab–dunggab ang manghod tumong sa lain-laing parte sa kalawasan.
Gidali sa pagdala ngadto sa Caraga Regional Hospital ang biktima aron patambalan, apan sumala sa report, dili pa maklaro kung luwas naba ang kahimtang niini.
Wala na maabti sa miresponde nga pulis ang nakadunggab nga suspek tungod ky midali kini sa pagsibat human sa insidente. Wala pagsinabtanay sa pamilya ang gitudlong motibo sa maong hitabo. Nagpadayon pa ang imbestigasyon, samtang gipadayon usab ang pagpangita sa mga pulis ngadto sa suspek.
