SurSur, AgSur Graduate na sa “Poorest Province,” Surigao del Norte nalang Nagpabiling Pobre

Pasado na (graduate na gyud) ang Surigao del Sur ug ang Agusan del Sur gikan sa talaan sa Labing Pobre nga mga Lalawigan sa nasod sa Filipinas. Apan nagpabiling nagapos sa grabeng kapobrehon ang probinsya sa Surigao del Norte.

Gikumpirma kini mismo sa talaan sa National Statistical Coordination Board (NSCB) alang sa tuig 2006, nga mibatbat pod sa padayong pag-usbaw sa kaso sa pagka-pobre sa daghang mga Pilipino.

Matud sa report, sa gihimong pagtala sa kahimtang sa pilipinas sa tuig 2006, nalampasan na sa Surigao del Sur ug Agusan del Sur ang lista nga nagtimaan sa LABING POBRE NGA LUGAR SA PILIPINAS.

Gawas sa Agusan del Sur ug Surigao del Sur, nahaw-as pod gikan sa 2003 POOREST PROVINCE LIST ang mga lalawigan sa Mountain Province, Biliran ug Lanao del Norte.

Sa bag-ong talaan sa LABING POBRE NGA LALAWIGAN, nag-una ang probinsya sa Tawi-Tawi, diin nahibaw-an nga 8 sa kada 10 ka pamilya ang matawag nga pobre.

Apil gihapon sa Ten poorest provinces 2006 gawas sa Tawi-Tawi, ang lalawigan sa Lanao del Sur, Apayao, Northern Samar, ug ang dapit sa Abra, nagpabiling pobre gihapon ang Zamboanga del Norte, Maguindanao, Masbate ug Misamis Occidental.

Sa tibuok Caraga Region, ang probinsya na lang sa mga Matugas ug Barbers-ang Surigao del Norte, maoy nahabilin sa listan sa labing kabus nga lugar sa nasod.

Matud sa report, sa survey sa 2006, 27 na sa matag 100 ka pamilyang Pinoy ang matawag nga pobre, nga mas labaw sa 24 sa matag 100 ka pamilyang pinoy nga pobre sa tuig 2006.

Matud sa rekord sa NSCB, sa matag 100 ka mga Pilipinong individual, nasuta pod nga 33 niini ang labing pobre, subay sa 2006 survey. Niadtong tuig 2003, dunay 30 lang sa matag 100 ka individual nga pinoy ang pobre.

Sa pagkakaron, ang matag pamilyang pinoy, nagkinahangkan ug P6,274 nga binulang kita aron mahaw-as sa kapobrehon.

Ug ang matag pamilya nga may lima ka mga miembro, kinahanglan may kita nga P4,177 kada bulan aron masustenihan ang minimum nasic needs niini alang sa pagkakaron.

Ang mga dapit nga diyutay lang ug pobre, halos nahimutang sa Luzon. Ang probinsya sa Batanes mao ang giilang lugar nga 0% ang poverty incidente.

Kining maong poverty survey estimates matud sa report, tipik sa laing ulahing official poverty statistics nga gipagawas sa National Statistical Coordination Board(NSCB) subay pod sa final results sa 2006 Family Income and Expenditures Survey (FIES), nga gihimo sa National Statistics Office (NSO) kada tulo ka tuig.