Regional Office Sa NBI Ibalhin na sa Surigao City

Posibleng mabalhin na sa dili madugay, ang buhatan sa NBI-Caraga ngadto sa dakbayan sa Surigao. Kini ang gipahibalo ni NBI-Caraga ARD Lauro Reyes, sa mga tigbalita. Kon mahitabo kini, sumala pa ni Reyes, tungod sa ilang tinguha nga makabaton sa ilang kaugalingon nga buhatan alang sa seguridad sa mga sensitibo nga mga dokumento ug sa mga kahimanan nga ilang nabatonan.

Matad sa opisyal, nga dili nila mabatunan ang maong seguridad sa buhatan nga ilang nahimutangan karon.

Gisulti ni Reyes, misulay sila sa paghangyo sa mga LGUs dinhi sa siyudad ug lalawigan, apan walay luna nga gi-offer alang kanila sa Agusan Norte.

Sa dakbayan usab, may gi-offer unta nga dapit, apan gikondisyonan sila nga patukuran kini sa dakbayan sa ilang buhatan sulod sa tulo lamang ka tuig, ug dili kini nila Masaya sa pagka-karon.
Sumala ni Atty. Reyes nga may gi-offer sa ilang buhatan nga idonar nga luna didto sa Surigao, nga anaa lamang duol sa sentro sa siyudad. Wala usab sila hatagi sa kondisyon, basta nga gamiton lamang nila kini alang sa ilang buhatan ug patukuran sa dakbayan sa panahon nga aduna na silay gahin alang niini.