1,100 Ka Taga Surigao Norte Gihatagan ug Land Titles  

DUL-AN 3,000 ka mga pamilya nga walay mga yuta, apil na ang 1,100 gikan sa Surigao del Norte ang nakadawat sa mga FREE PATENTS sa yuta nga gipanghatag sa gobyerno sa lain-laing seremonya sa Caraga Region di pa lang dugay.

Mao kini gibutyag sa Department of Environment and Natural Resources (DENR), pinaagi ni OIC Regional Executive Director Edilberto S. Buiser, kinsa nagtug-an nga ang mga benepisyaryo nagagikan sa Surigao del Norte, Surigao del Sur, Agusan del Norte, Agusan del Sur ug Dinagat Island.

Gisulti ni Buiser nga pagpanghatag ug mga titulo sa yuta, usa sa nag-uunang kalihokan ubos sa Comprehensive Agrarian Reform Program ni Presidente Gloria Macapagal Arroyo pinaagi usab sa “Handog Titulo ng Pangulo”, nga gipasiugdahan sa DENR.

Sa Agusan del Sur, 288 ka pamilya ang nahatagan sa mga free titles nga gilangkuban sa 100 ka titulo sa Veruela, 107 sa Talacogon, 100 sa Bayugan City, 100 sa Bunawan, ug laing 100 ka titulo usab sa Patin-ay.

Nakabahin usab ang Surigao del Sur, piaagi sa 447 ka mga patents sa Tandag City, 100 ka patents sa Marihatag, 100 ka patents sa Lingig ug 100 ka patents sa Lanuza.

May 200 usab ka mga pamilya ang nahatagan ug titulo sa lungsod sa Placer, 500 sa Socorro ug 400 sa Dapa, nga pulos sakop sa Surigao del Norte.

Ang Agusan del Norte na benepisyohan pod sa maong programa, uban sa 250 ka mga free patents para sa Cabadbaran City, ug 50 sa Butuan City.

AddThis Social Bookmark Button

0 comments

Post a Comment