Army Batok NPA napod!
Duha ka mga sundalo na usab ang nasamdan atol sa duha ka managlahing engkwentro tali sa Army ug NPA sa duha ka mga dapit sa Caraga Region.
Matud sa report sa Philippine Army, nga midangat sa rehiyonal nga buhatan sa kapolisan sa Campo Rafael C. Rodriquez, sa Libertad, Butuan City.
Naggiyera na pod ang mga NPA ug Army dihang nag-abot sila didto sa Brgy. Daywan, Claver, Surigao del Norte.
Ang usa ka section sa Reconnaisance Platoon sa Headquarters Company sa Philippine Army nga gipanguluhan ni Lt. Fruto, samtang nagpahigayon ug combat operation sa nahisgutang dapit, gikabagat sa napulo ka mga sakop sa CPP/NPA.
Nahitabo gilayon ang giyera nga milungtad ug 15 minutos ug misamad sa usa ka PFC Budias. Ang army nagpasabot nga daghan pod nasamdan sa NPA, pero walay nakuha bisan usa ka samaron.
Ang PNP Claver ug Gigaquit, mipahigayon ug checkpoint isip blocking force batok sa mga nanibat nga mga sakop sa NPA, pero walay nasugatan.
Laing sundalo pod ang nasamdan dihang giyera na pod ang army ug NPA didto sa Sityo Lamaya, Brgy. La Fortuna, Veruela, Agusan del Sur. Usa ka platoon sa Division Reconnaisance Company (DRC) PA ubos ni Lt. Seville, gikatagbo sa mga sakop sa Front Committee 3 sa Southern Mindanao Revolutionary Committee, a 25 minutos ang giyera nga misamad kang PFC Reynante Sacote. Matud sa armay, daghan pod ang samdam sa NPA, pero wala gihapon silay napunit nga lawas sa bisan usa na lang ka samaron.
