KACOSA ug Abante Surigao mipahigayon ug outreach program

Malampuson nga gipahigayon ang duha ka adlaw nga outreach program sa mga kabarangayan sa Mat-i ug Mabini sa Surigao City niadtong Hulyo 22-23 ubos sa programa ni Gobernador Robert Ace Barbers sa pagtabang sa mga kabataan.

Kauban ang Kapit Bisig Community Services Association (KACOSA) ug Partido Abante Surigao sa pagpangulo ni Mila Lisondra ug Doodz Ellar, malampuson ang ilang pagpanghatag ug libreng school bags, school supplies, libro, tsinelas ug supplemental feeding sa mga kabataan didto sa Calderon Village Elementary School sa Sitio File, Brgy. Mat-i niadtong Hulyo 22.

Samtang niadtong miaging adlaw, Hulyo 23, gihimo usab ang susama nga programa didto sa Tugonan Elementary School sa Sitio Tugonan, Brgy. Mabini.

Tungod niining nga programa dako ang panghinaot ni Gob.Ace Barbers nga kini makatabang ug daku sa mga kabataan ilabi na sa ilang pagtuon karon. (Susil P. Ragas, PIA-Surigao del Norte)