Wanted sa Murder sikop sa Alegria

Nagtingkagol na karon sa selda ang usa ka 55-anyos nga lalaking wanted sa kasong pagpatay o murder.

Sumala sa report ni Po3 Arturo Suganob Campania, Duty PNCO sa RHQ Public Information Office ubos ni P/Chief Inspector Nelly T. Villagarcia, si Vicente “Sidoy” Napuli, 55-anyos, gidakop mismo didto sa iyang lugar sa Brgy. Pungtod, Alegria, Surigao del Norte, sa mga sakop sa Pulis-Alegria ug mga personahe sa Intelligence Division sa PRO 13.

Ang pagdakop kang Sidoy, gibase sa warrant of arrest nga gipagawas ni Judge FC Buyser sa RTC Branch 30, Surigao City.

Kasong murder ang giatubang sa dinakpan, ubos sa Criminal Case number 7473 ug 7474.
Gipaabot pa ang sunod nga mando sa korte labot ning maong kaso.