Wanted sa Surigao nadakpan

Usa ka wanted sa paglapas sa R.A. 7610 (Special Protection of Children Against Abuse, Exploitation and Discrimination Act) ang gisikop sa mga pulis sakop sa Surigao City PNP sa usa ka operasyon didto sa Barangay San Juan, Surigao City niadtong usa ka adlaw.

Ang Nadakpan giilang si Edgar Enderez y Crisaldo, minyo, usa ka mananagat nga taga Purok-1, Brgy. San Juan.

Ang pagdakop kang Enderez, bunga pod sa Warrant of Arrest nga gipagawas ni Judge Evangeline Yuipco Bayana, Presiding Judge sa RTC 10th Judicial Region Branch 32, Surigao City nga naka docket ubos sa criminal case number 8887.

P80,000 ang gitakdang piyansa sa korte alang sa temporaryong kagawasan sa akusado.