Duha ka amerikano ug 3 ka mga pinoy nga mga turista ang gitaho nga nadautan sa ilang gisakyang Bangka sa tunga sa kalawran sa Surigao kagahapon, May 11, 2011.

Swerte hinuon kay malampuson silang naguyod ngadto sa mas luwas nga lugar.

Sigon ni Surigao City Police Director C/Insp. Rudy Elandag, iya nang gisultihan ang usa sa mga turistang si Mark Gonzaga nga pahibal-on sila kung maka-abot na sa maong isla aron masayran ang sunod nga lakang nga himuon aron sila ma-rescue og madala pagbalik sa mainland Surigao.

Ang maayong balita nga nakuha sa kapulisan mao ang linaw nga dagat hinungdan nga wala'y angayang kabalak-an sa ilang kahimtang human nadaut ang ilang sakyanang pandagat pasado alas 5:00 kagahapon sa hapon dihang padulong unta sila sa Dapa, Siargao Island.

Mahinumdumang lakip sa mga turistang natanggong sa maong sakyanan sila Coning Maike, Dodong Palen og Rocine Placeros, taga Punta Riyal, og parehong Filipino nationals ka-uban ang duha ka mga Amerikanong sila Mark Gonzaga Oania og Michael James William.

Read More...

Nadakpan gyod ang usa nga gituohang sakop sa DUGO-DUGO GANG, usa ka ngilngig ug gikahadlokang sindikato sa mga mangingilad sa nasod Pilipinas, sa gilusad nga entrapment operation sa Surigao City.

Matud sa police report, ang dinakpan giilang mao si Ronald Bandoy Angoc, 36-anyos ang edad, usa ka security guard sa RD Pawnshop, Surigao City nga kasamtangang nagpuyo sa Payawan II, Brgy.

Luna, Surigao City. Giingong lumad sa Tubajon, Dinagat Islands ang dinakpan ug gituohang sakop kini sa gikaintapang Dugo-dugo gang, nga matud sa Pulisya, usa ka syndicated organized crime group, nga nangbiktima ug inosente sa tibuok nasod.

Ang modus sa grupo mao ang paggamit ug sikat nga mga ngalan sa tawo sa usa ka lugar, sa pag-ilad sa ilang mga biktima. Nadakpan ang suspek tungod pod sa ML Lhuillier Surigao City branch sa San Nicolas Street.

Nasayran nga ang suspek mipaila sa iyang kaugalingon ngadto sa iyang biktimahon unta nga si Norma Alngohuro, nga usa sa mga barangay captain sa Tangub City gamit ang ngalang Jenny Tan (usa ka sikat nga tawo didto).

Ang suspek mihangyo dayon nga moutang ug P20,000 ug ipadala kini pinaagi sa ML Kwarta Padala.
Pero ang biktima, mikontak sa matuod nga Jenny Tan, nga hugot gyud nga namalibad nga may kalabutan kini sa transaksyon.

Gikasabotan dayon ang usa ka entrapment operation.

Ang suspek, miusab dayon sa “recipient” gikan sa Margarita S. Pacot sa Tangub City ngadto sa ngalang Ronald Angoc sa Surigao City. Ug tuod man, dihang giclaim na niya ang padala pinaagi sa M. Lhuillier, Surigao City branch, nasakpan gyod kini.

Gipailwon dayon kini sa INQUEST CASE, sa pagsupak sa Article 315-Swindling (estafa) ang suspek u gang iyang mga kaubanan nga giila lang sa ngalang Margarita S. Pacot, nga may address sa Tangub City.

Ang kaso gipasaka dayon sa City Prosecutor’s Office sa Surigao City.

Gitanggong unsa sa selda sa Surigao City Police Station ang dinakpan, samtang gipaabot ang commitment order niini ngadto sa BJMP sa Brgy. Silop, Surigao City.

Read More...

APIL USAB ang Surigao sa TIGIL PASADA o Transport Strike nga gitakda karong adlawa.

Sa report sa Philippine Information Agency (PIA) sa Surigao del Norte gibutyag sa Pinag-Isang Samahan nga mga Tsuper at Operators Nationwide (PISTON) Surigao del Norte Chapter nga mosalmot sila sa nationwide transport strike karong adlawa, Marso 31, 2011, isip protesta sa nagpadayon pagtaas nga presyo sa produkto sa petrolyo.

Sukwahi hinuon sa anunsyo sa PISTON SA MANILA nga nagklaro nga dili sila mag-STRIKE karong adlawa kondili magTRANSPORT CARAVAN lamang. Hugot nga nagbaod ang Land Transportation Franchising and Regulatory Board (LTFRB) nga mameligrong makanselar ang mga prangkisa sa mga sakyanang de pasahero nga mosalmot sa strike.

Si PISTON Chairman Joel Albrando, miingon sa report nga ang mass protest magsugod alas 5:00 sa buntag karong adlawa ug tapuson nila alas 5:00 pod sa hapon.

Sumala ni Albarando, ang local federations ug mga operators sa mga tricycles, multicabs ug vans, gilauman nga musalmot sa strike.

Ang ubang militanteng grupo, sama sa Gabriella ug Kadamay-Surigao del Norte Chapter, gipaabot pod nga mu-entra sa welga.

Si Albarando midugang nga ang ilang grupo nanawagan sa Aquino government nga ibasura na ang oil deregulation law ug tangtangon na ang value-added tax (VAT) ngadto sa mga oil products.
Ang presyo sa mga produkto sa petrolyo nagpadayon pagtaas ug misamot pa gyod sa pag-ulbo sa KAGUBOT sa Middle East.

Giklaro hinuon kagahapon ni Surigao City Mayor Ernesto Matugas, ngga ANDAM NA ANG CONTIGENCY PLAN sa city government alang sa STRIKE karon.

Bisan ang Pulisya hugot nga gimanduan nga dugangan ang ilang police visibility aron mamentinar ang kalinaw ug kahusay.

Mohatag ug libreng kasakyan ang City Engineering Office alang sa mga ma-stranded nga mga pasahero.

Read More...

NAGPADAYON ang paggukod sa mga pulis ngadto sa KILLER SA PULIS sa San Francisco, Surigao del Norte.

Si PO3 Charlou Celeste Dionaldo, 40-anyos, nga sakop sa San Francisco PNP, gipusil sa duh aka mga KILLER samtang palakaw na kini gikan sa iyang pinuy-anan sa Sitio Alang-alang, Brgy. Ipil, Surigao City niadtong miaging gabie.

Sa pasiunang imbestigasyon, gibutyag nga ag usa lang ang mipabuto sa pulis, samtang ang usa nagsilbing bantay sa palibot.

Gibana-bana ang killer nga may gitas-ong 5’4”, kasarangan ang pamanit, klaro ang cheekbones, standard hair, ug nagsul-ob ug green nga sinina ug naka-itom ug city shorts. Giingong taason ang ilong sa killer.

Ang ikaduhang suspek nga nagbantay sa palibot, naka itom pod ug tshirt ug city short, niwangon, 5’6” ang gitas-on.

Ang pasiunang HOT PURSUIT OPERATION sa Pulis-Surigao, Pulis Surigao del Norte ug Pulis San Francisco, pakyas sa pagsubay kung diin ra miadto ang mag suspek.

Nagpadayon pa ang imbestigasyon ning maong kaso.

Read More...

TULO GYOD ka mga lalaki ang nasikop atoll sa SHABU BUY BUST operation sa mga sakop sa PDEA Regional Office-XIII ug Surigao City Police didto sa Barangay Taft alas 10:45 ang takna sa buntag niadtong us aka adlaw, Marso 29, 2011.

Ang mga dinakpan giilang sila si Randall Plaza, Alexis Edillor, Gilbert Ramos, pulos way trabaho nga mga residente sa Surigao City.

Nasakmit gikan sa posesyon sa mga dinakpan ang daghang shabu paraphernalia, salaping cash nga gidudahang halin sa negosyong shabu, ug ang marked money.

Ang buy-bust sa Navarro street, barangay Taft, gisaksihan mismo ni Kagawad Zabala sa brgy. Taft ug Mrs. Escudo sa city prosecutor’s office.

Nakapalit ang mga pulis ug duh aka sachets sa shabu gikan sa suspek nga si Randall Plaza nga nagkantidad ug P1,000.

Ang ubang dinakpan, dugang report, naaktohan nga nagputos ug sachet sa shabu.

Read More...

BALOR P60-MIL nga kabtangan gyod ang nawagtang dihang giransak sa wala mailhing kawatan ang SNCAT Central Coordinating Office alas 2:00 sa kaadlawon niadtong Marso 28, 2011.

Sa report sa PIA-Surigao del Norte, gibutyag sa Pulis-Surigao, nga usa ka Jennifer Divina y Alipao, 34-anyos, empleyada sa SNCAT Central Coordinating Office nga nagpuyo sa Purok Love, Bernadette Village, Brgy. Luna, Surigao City ang midangop sa kapulisan human nadiskubrehan nga nawagtang na ang kolor itom nga laptop XITRIX, nga nagkantidad P60,000.

Sa imbestigaston, nasayran nga ang kawatan nakasulod sa opisina agi sa bintanang salamin sa 2nd floor sa building, nga gigamit pod isip exit area, base usab sa nakit-ang mga tunob didto sa glass table.

Walay nakakita sa hitabo, busa wala pay suspek nga matudlo labot sa maong kaso. Nagpadayon pa ang imbestigasyon sa Pulis Surigao ning maong insidente.

Read More...

DIRETSO PATAY ang usa ka pulis human kini gipusil sa duha ka wala mailhing KILLERS didto sa Sitio Alang-alang, Barangay Ipil, Surigao City alas 8:30 ang takna niadtong us aka gabie, Marso 28, 2011.

Ang report nag-ila sa biktima nga mao si PO3 Charlou Celeste Dionaldo, PNP member sa San Francisco Municipal Police Station, San Francisco, niining probinsya.

Sa imbestigasyon sa Pulis-Surigao nasayran nga ang biktima, molakaw na unta gikan sa iyang pinuy-anan, ug sa dihang gipaulanan siya ug bala sa duha ka mga armado tumong sa lain-laing parte sa iyang lawas.

Wa na madala sa tambalanan ang pulis ug nabugtuan dayon kini sa iyang gininhawa, matud sa report.

Wala masayri unsay motibo sa maong pagpamusil. Nagpadayon pa ang imbestigasyon sa Pulis-Surigao ning maong kaso.

Read More...

Tugpa sa hospital ang usa ka Jailguard nga gipusil sa usa ka Jail Officer didto sa compound sa Sub-Office, sa Dapa District Jail, sa lungsod sa Dapa, Surigao del Norte.

Subay sa report sa RHQ Public Information Office, ang biktima giilang si Jovito Litang y Espina, 47-anyos, minyo ug usa ka Provincial Guard sa Dapa District Jail nga taga Espina Extension, Brgy. Taft, Surigao City.

Si Jail Officer 1 (JO1) Joel Joseph Mengote y Rosales, 39-anyos nga taga Brgy. Poblacion 1, Dapa, Surigao del Norte, kuyog ang usa ka JO1 Virnel Espejon y Pomoy,nga taga Sta. Monica, Surigao del Norte ang gitudlong mipusil sa biktima, gamit ang usa ka caliber .38 revolver.

Nasamdan sa iyang walang sampot ang biktima, busa gidali sa pagdala ngadto sa Dapa District Hospital, apan wala maduagy, gibalhin ra pod kini dayon ngadto sa Miranda Family Hospital, sa Surigao City. Ang mga suspek boluntaryo hinuong miampo ngadto sa Dapa Municipal Police Station, apil na ang caliber .38 revolver nga may serial number E218163, lima ka bala ug usa ka basiyo.

Giandam na karon ang mga papeles alang sa pagpasaka sa tukmang kaso batok sa mga suspek.

Read More...

Usa ka wanted sa paglapas sa R.A. 7610 (Special Protection of Children Against Abuse, Exploitation and Discrimination Act) ang gisikop sa mga pulis sakop sa Surigao City PNP sa usa ka operasyon didto sa Barangay San Juan, Surigao City niadtong usa ka adlaw.

Ang Nadakpan giilang si Edgar Enderez y Crisaldo, minyo, usa ka mananagat nga taga Purok-1, Brgy. San Juan.

Ang pagdakop kang Enderez, bunga pod sa Warrant of Arrest nga gipagawas ni Judge Evangeline Yuipco Bayana, Presiding Judge sa RTC 10th Judicial Region Branch 32, Surigao City nga naka docket ubos sa criminal case number 8887.

P80,000 ang gitakdang piyansa sa korte alang sa temporaryong kagawasan sa akusado.

Read More...

Arestado na ang usa ka 63-anyos nga lalaki nga gilambigit ngadto sa kasong rape sa Agusan del Norte.

Matud sa report ni PO3 Arturo Suganob Campania, Duty PNCO sa RHQ Public Information Office ubos ni P/Chief Inspector Nelly T. Villagarcia, ang dinakpan mao si Bienvenido Orga y Alonte, 63-anyos, minyo, nga taga Brgy.Soriano, Cabadbaran City.

Gidakop ang tigulang sa hiniusang puwersa sa Cabadbaran PNP ug Taganaan Police Station didto sa Sitio Wakwak, Brgy. Aurora, Taganaan, Surigao del Norte alas 5:00 sa buntag niadtong Agosto 15, 2010 base sa warrant of arrest nga giluwatan ni Judge Emmanuel Escatron sa RTC Branch 34, Cabadbaran City.

Nag-atubang ug kasong rape ang tigulang. Walay piyansa nga girekomendar alang sa temporaryong kagawasan sa akusado.

Gidala dayon sa Pulis – Taganaan ang dinakpan, apan wala madugay, gidala pod diretso sa Cabadbaran City Police Station.

Read More...

Nagtingkagol na karon sa selda ang usa ka 55-anyos nga lalaking wanted sa kasong pagpatay o murder.

Sumala sa report ni Po3 Arturo Suganob Campania, Duty PNCO sa RHQ Public Information Office ubos ni P/Chief Inspector Nelly T. Villagarcia, si Vicente “Sidoy” Napuli, 55-anyos, gidakop mismo didto sa iyang lugar sa Brgy. Pungtod, Alegria, Surigao del Norte, sa mga sakop sa Pulis-Alegria ug mga personahe sa Intelligence Division sa PRO 13.

Ang pagdakop kang Sidoy, gibase sa warrant of arrest nga gipagawas ni Judge FC Buyser sa RTC Branch 30, Surigao City.

Kasong murder ang giatubang sa dinakpan, ubos sa Criminal Case number 7473 ug 7474.
Gipaabot pa ang sunod nga mando sa korte labot ning maong kaso.

Read More...

Dili lang Surfing ug Game fishing, mangrove fishing na usab ang isla sa Siargao karon.

Karong bag-o lang gilusad sa lokal nga mga opisyales didto ang “Mangrove Fishing Project”, usa ka kalihokan nga gitumong pagpakusog sa turismo sa Siargao.

Sumala ni Congressman Francisco Matugas (1st district Surigao del Norte), ang Mangrove Fishing Project siguradong mamahimong dugang atraksyon na pod sa mga turista nga makadugang sa trabaho alang sa lokal nga katawhan.

Ang nag-unang mga opisyales sa lalawigan pinangulohan ni Gov. Sol Matugas, ug sa Bureau of Fisheries and Aquatic Resources (BFAR) mitambong sa paglusad sa proyekto didto sa lungsod sa Del Carmen.

Gisulti ni Matugas nga giandam pa niya ang uban pang panginahanglanon sa proyekto aron gyod nga mamahimong dakong atraksyon sa turista ang mangrove fishing.

Gitakdang molarga si Matugas paingon sa Darwin, Australia, aron tan-awon ang sikat kaayong mangrove sportsfishing didto aron makuhaan ug igong kahibalo nga magamit alang sa lokal nga proyekto.

“Darwin, is one of the cities in the world in mangrove fishing. I want to visit there along with Del Carmen Mayor Alfredo Coro, Jr. and our Tourism Officer for we want to study their style and strategies,” sulit ni Matugas sa usa ka interbyu.

Ang Siargao adunay 8,000 ektaryas nga mangrove.

“We are the second largest mangrove area in the country and this must also be developed.” Dason sa kongresistang taga Dapa.

Read More...

Tugpa sa Caraga Regional Training Hospital ang usa ka minero human kini nahagbong ngadto sa usa ka tunnel matapos usab kining nakuyapan didto sa Brgy. Mat-i, Surigao City, duol gayod sa Watershed Area.

Sa report sa RMN news website kagahapon, giila ang biktima nga mao si Edwin Olan-Olan, 34-anyos and edad, taga Brgy. San Juan, Surigao City.

Sumala sa taho, alas 11:00 ang takna niadtong miaging gabii, misulod sa tunnel ang biktimang si Olan-Olan kay nangiyawat nga makukuha ug bulawan.

Pero samtang didto sa ilawonm sa tunnel, naglain ang paminaw nini sa lawas, busa gamit ang pisi, misaka pagawas sa tunnel ang biktima.

Pero samtang anaa na kini sa tunga-tunga, nga giingong 20 piyes pa ang gilay-on, kalit kining nakuyapan, hinungdan nga nahagbong kini paubos sa tunnel.

Nagkasamad-samad ang lawas ug ulo sa biktima, busa gidali kini sa pagdala ngadto sa tambalanan.

Hangtud sa pagsulat, wala pay follow up report labot sa aktuwal nga kahimyang sa biktima didto sa Caraga Regiona Hospital, sa Surigao City.

Read More...

Naalarma karon ang pipila ka mga Magtutudlo human namatikdan ang pagkauso sa Kawat sa mga Tunghaan sa Surigao City.

Matud sa report sa RMN news website, duha na ka mga tunghaan ang nabiktima sa walay klarong suspek nga kawat sa dakbayan.

Subay sa report sa RMN, ang Surigao City Elementary School (SUCES) maoy labing ulahing biktima sa mga “balhiboon ug kamot”

Ang kawat a SUCES nahitabo bisan kung ang unang nahitabong kawat nga mibiktima sa School Canteen sa Surigao Pilot School ug Taft National High School, nga nawad-an ug kuwarta, computer, cellphone ug uban pang gamit, hangtud karon wala pay klarong sulbad.

Sa kawat sa SUCES, maoy gisulod sa mga kawatan ang classroom ni Mrs. Tessie Arellano.

Sa pagsulat ning report, wala pa mahibaw-i unsa gayod ang natangag sa mga kawatan tungod kay gitakda pa ang imbertaryo sa mga butang didto sa classroom.

Hinuon, aminado si Schools Division Supt. Teofila Cabatuan nga pipila ka mga tunghaan sa Siyudad sa Surigao walay mga security guards nga nagbantay sanglit wala silay budget.

Ang report nagtumbok nga ang mga dagkong tunghaan ra ang gibutangan ug mga sakop sa Civil Security Unit (CSU) sa local nga gobyerno sa Surigao City.

Read More...

Ciento por Ciento ang usbaw sa suhol sa mga magtutudlo nga suweldado ubos sa Local Schoolboard Fund sa Surigao del Norte.

Mao kini gi-anunsyo ni Gobernador Sol Matugas, atol sa gilusad nga Kapihan sa Kapitolyo nga gihimo sa Provincial Convention Center kagahapon.

Sa report sa Philippine Information Agency (PIA) Surigao del Norte, gitug-an nga 82 ka mga school board teachers sa tibuok Surigao del Norte ug Siargao DepEd Divisions ang i-hire ubos sa School Board Program nga may P3,000 na nga umento sa ilang binulan nga suweldo.

Si Gov. Matugas kanhi DepEd Regional Director, ug nag-alagad sa edukasyon sulod sa 43 ka tuig, nagklaro nga ang edukasyon maoy Prayoridad sa iyang administrasyon.

Sumala ni Gov. matugas, gawas sa P6,000 kada bulan nga suweldo, ang magtutudlo may P1,000 usab nga chalk allowance.

“We have allocated P4 million worth of funds for the Local School Board. What I did with the money is that I created 82 positions and I raised their salaries from P3,000 to P6,000 and every December under my watch they will receive a chalk allowance amounted to P1,000,” sulti ni Matugas sa PIA report.

Gitug-an pod sa gobernador nga sunod tuig, laing usbaw sa suhol sa mga magtutudlo sa school board ang ihatag.

“In the coming year, I would like to level that off to P10,000 Because I know teaching is so difficult. Teaching must be given priority concern of this administration, “ dason ni Gov.Matugas.

Nangandoy si Gov. Matugas nga ang DepEd Surigao del Norte maoy mahimong nag-unang performer sa tibuok nasod.

“I want DepEd in Surigao del Norte to be number one performer in the country. If I made Region VIII number one, why can’t I make Surigao del Norte number one.” Sulti Gov. Matugas.

Read More...

Nadakpan na gyod ang driver sa Multicab nga giingong naka-Hit and Run sa usa ka lalaki sa Kilometer -1, Villa Corito Subdivision, Surigao City di pa dugay.

Sa report sa RMN News Website kagahapon giila ang suspek nga mao si Arnel Comboy, driver sa Multicab nga may plate number LYD 142.

Kahinumduman nga kaadlawon niadtong Miyerkules Hulyo 7, nakit-an na lang sa tunga sa karsada ang biktimang si Roberto Cudillo Revil, 38-anyos ang edad nga nabuak na ang ulo ug migawas pa gyod ang utok niini.

Gidala unta ang biktima sa Craga Regional Hospital apan gideklara kining Dead on Arrival. Sa imbestigasyon sa mga awtoridad,nasayran nga angbiktimang si Revil, nag-angkas sa usa ka motorsiklo nga gimaneho ni Dominic Arayan Leyson.

Ang report nag-ingon nga samtang nagdagan sa National Highway ang motor, kalit lang nilang gika-engkwentro ang Multicab nga kalit pod nga nag-overtake, hinungdan nga nadasmagan ang motorsiklo.

Ang duha ka sakay sa motor, pulos naka-angkon ug mga bun-og ug mga samad.

Gidugang sa RMN news report nga napasakahan na ug kasong Reckless Imprudence Resulting to Homicide ang suspek. Nagbangutan karon ang mga nabiling pamilya sa biktima, ilabi na nga gagmay pa ang unom ka mga anak niini.

Read More...

Arestado ang usa ka 25-anyos nga babaye human naapsan nga may dalang armas, Granada ug mga bala didto sa pantalan sa lipata, sa Surigao City di pa dugay.

Subay sa pulis report nga gipagawas ni PO3 Arturo Suganob Campania Duty PNCO sa RHQ Public Information Office, ubos ni P/Chief Inspector Nelly T. Villagarcia, si Shiela Oda Marciano, 25-anyos ang edad, jobless nga taga Old Balana, Sapang Kangkong, Quezon City, hiniusang gidakop sa mga sakop sa Surigao City Police Station pinangulohan ni P/Senior Inspector Dick Antepasado Cale; Philippne Port Police nga gipangulohan ni Port Police Supt. Froilan U. Caturla; Philippine Coast Guard pinaagi ni PO1 Harlan manta; Philippine Harbor Personnel nga gipangulohan pod ni Captain Ricardo Marata ug 1301st Maritime Police pinaagi ni SPO2 Edagar Nalaza sulod sa Philtranco Bus nga may body Number 802.

Nasakmit gikan sa posesyon sa babaye ang usa ka hand grenade (Fuz green Perc M8524A2 4.5 sec delay 669 A 92); usa ka cal. 45 pistol (armscor) nga may serial number 835344 ug usa ka magazine nga may pito ka wala pa makabuto nga mga bala.

Base sa imbestigasyon, ang babaye gitudlong suspek nga mibiktima sa Deputy Regional Director sa DPWH Region 10, Cagayan de Oro City.

Gilayong gipailawom sa iquest proceedings ang dinakpan sa kasong violation of RA 8294 (Illegal possession of firearms.

Read More...

Patay pag-abot sa hospital ang usa ka GOLD PANNER human kini gipusil sa usa ka GOLD PANNER usab didto sa Purok 13, Sitio Katigahan, Brgy. Mat-i,Surigao City niadtong usa ka adlaw.

Matud sa report nga gipagawas ni PO3 Criselda Bulahao-Nalam Duty PNCO sa RHQ Public Information Office, ubos ni P/Chief Inspector Nelly T. Villagarcia, ang biktima giilang si Eddie Totong y Macapobre, usa ka gold panner nga taga Silay Hills, Espina Extension, Brgy. Taft, Surigao City.

Ang report nagtudlo sa usa ka Dongdong Lumpay, gold panner usab nga residente sa Brgy. Mayag, Sison, Surigao del Norte.

Gitug-an sa taho nga usa ka homemade shotgun ang gigamit sa suspek sa pagpusil sa biktima nga naigo sa tuo nga dughan.

Gidali sa pagdala ngadto sa Caraga Regional Hospital ang biktima, apan giklaro sa taho nga igo na lang gideklara nga dead on arrival.

Ang suspek misibat paingon sa wala matino nga direksyon.

Read More...

Himoon nang kada adlaw ang biyaheng Cebu- Surigao sa Air Philippines.

Kini maoy gibutyag nga report karong semanaha, nga nagklaro nga ang Air Philippines nga karon ilado na ngalang Airphil express, ang nag-abli na pod ug laing destinasyon sa inadlaw-adlaw nga Flights sa mga eroplano niini.

Subay sa report buksan sa Airphil Express ang Cebu-Surigao daily flight service karong bulan sa Nobyembre.

Gikalipay gyod dayon kining maong balita dili lang sa mga Surigaonon kon dili sa mga taga laing lugar usab sanglit mahimo nang masayon unya ang pagbiyahe sa katawhan paingon sa isla sa Siargao – ang giilang Surfing Capital of the Philippines.

Ang report nagpasabot nga ang Airphil Express magsugod sa iyang Cebu to Surigao daily karong November 1, 2010 gamit ang 76-seater (DH4) Bombardier Q400.

Ang eroplano, pasabot sa report, molupad gikan sa Cebu alas 9:20 sa buntag (2P 087), ug moabot sa Surigao pagka alas 10:20 sa buntag usab.

Ang return flight mobiya sa Surigao alas 10:40am (2P 088) ug gitakdang moabot sa Cebu alas 11:40am.

Ang Surigao, nagsugod na pod sa pagka-ilado karon sa mga kalihokang pang – turismo, kay way labot sa Surfing, nahimo na pong paborito karon sa mga bisita ang Bonok-Bonok Maradjao Karadjao Festival, nga gisaulog sa siyudad matag Septembre 9.

Read More...

Nag Medical Mission ang 402nd Infantry Brigade, Fourth Infantry (Diamond) Division sa lagyo nga mga lugar sa Caraga Region, matud sa report sa PNA di palang dugay

Ang humanitarian mission gisugdan didto sa Barangay Camam-oman, Surigao, del Norte, Caraga Region ning semanaha.

“This humanitarian mission is a continuing program of our units,” matud ni Regional Army spokesman Maj. Mitchele B. Anayorn Jr.

Tipik kining maong programa sa hiniusang paningkamot sa gobyerno nga ipaduol gayod ngadto sa katawhan ang kagamhanan.

Managhiusang gilusad ang medical mission sa mga sundalo, local government sa Surigao del Norte, uban usab sa Philippne Charity Sweepstakes Office (PCSO) ug Caraga Conference for Peace and Development (CCPD).

140 ka mga pamilya apil na ang 40 ka pamilyang saop sa tribung Mamanwa ang nakapahimulos sa nahisgutang misyon. Ang paglusad sa medical mission nahimo human usab ang kapin 40 ka pamilyang Mamanwa gikan sa Sitio Omao milugsong ngadto sa Camam-onan Centro, human usab sa sunod-sunod nga engkwentro sa mga sundalo sa 30th Infantry (Python) Battalion ug sa mga rebelde didto sa maong sityo.

Miayuda pod sa panginahanglan sa mga lumad ang Department of Social Welfare and Development (DSWD). “We knew it was difficult to get here, but after those encounters and evacuation of these families, this is the least we can do. I hope we could ease difficulties that you might be experiencing through these type of activities, rest assured we only have your best interest”. Batbat ni Col. Valencia

Read More...