32-Anyos Gi-Citizen Arrest, Kalibre .45 Sakmit

Usa ka 32 anyos, nga lalaki ang nadala sa kapulisan human siya gicitizen arrest sa mga tawo didto sa Sitio Kanangkaan, Barangay Lower Libas, Tagana-an, Surigao del Norte di pa dugay.

Wala makapiyok si Narnie Marmito y Relova, taga Purok 1, Sitio Kanangkaan, Barangay Lower Libas, Tagana-an, Surigao del Norte dihang namatikdan kining naghupot ug walay lisensya nga armas. Si Marmito, gidakop sa mga molupyo sa Kanangkaan, pinangulohan ni Marianito Ariola y Gales, subay sa gitawag ug citizen arrest.

Nabawian si Marmito ug usa ka kalibre .45 colt nga dunay serial number 924172.

Gawas sa kalibre .45 nakuha usab gikan sa suspetsado an usa ka magazine ug 3 ka bala.

Human sa pag-aresto gidali sa mga tawo ang dinakpan ngadto sa Tagana-an Municipal Police Station aron paatubangon sa kasong isang-at batok kaniya. (Marx Rev Buenavidez/Periodico Surigao)