ARESTADO ang usa ka 28-anyos nga jobless atol sa gipahigayong “buy-bust operations” sa mga pulis didto sa Borromeo St., Surigao City, alas 7:00 ang takna niadong miaging gabie.
Malampusong naaresto sa mga sakop sa Philippine Drug Enforcement Agency 13 (PDEA 13) pinanguluhan ni SPO4 Dindo Alota, ang usa ka Peter Besay y Pecho, 28; minyo, ug walay trabaho nga taga 154 Borromeo Street, Surigao City.
Nakuha gikan sa posesyon sa suspetsado ang usa ka sachet nga may sulod nga gituohang “shabu” nga gibana-banang mobalor ug P1,000.00; usa ka Yamaha Sniper Motorcycle nga walay plate number ug cash sa nagkadaiya nga demoninasyon nga gituohang halin sa ginadili nga droga. Sa kasamtangan, gitanggong pa sa selda sa kapulisan ang dinakpan.
Ang kaso batok kang Besay gitaho nga gisumitir na ngadto sa piskaliya ubos a IS No. 2007-198. (Marx Rev Buenavidez/Periodico Surigao)
