PULIS KANHI SIKOP SA PUSIL  

NAUKAY nag katawhan sa Trinidad, Surigao City, apil na ang mga tinun-an ug magtudtudlo sa Emerico G. Borja Memorial Elementary School human nagpabuto sa iyang pusil ang usa ka PULIS KANHI (retired) bandang alas 4:30 sa hapon niadtong usa ka adlaw, Hunyo 20.

Nadakpan hinuon dayon sa Pulis-Surigao ang nagpabuto nga suspek nga giilang si RICARDO SAMPAGA y JADOC, 53-anyos ang edad, retiradong sakop sa PNP ug molupyo sa Purok 3, Kaskag Village, Barangay Washington, Surigao City.

Sa imbestigasyon sa Pulis-Surigao nga gipangulohan ni P/Inspector Adrian Recentes, Operations Officer, gitug-an nga ang suspek nagsakay sa usa ka trisikad gikan pa sa lungsod sa Sison, Surigao del Norte. Paghiabot sa Brgy. Trinidad, kalit lang kining nagpabuto sa iyang hinagiban sa makadaghang higayon.

Wala gibutyag unsay rason nga nagpabuto-buto man sa iyang hinagiban ang dinakpan.

Ang report nagdugang, nga nailogan sa Pulis-Surigao ug kalibre .45 Pistol Shooter’s SAM nga may serial # F03051397, uban ang usa ka magazine nga may upat ka wala pa makabuto nga mga bala ug usa ka basiyong cartridge sa kalibre .45 ang dinakpan.

Ang suspek temporaryong gitanggong sa Surigao-PNP alang sa gitawag ug custodial investigation. (Jodian Jayme/Periodico Surigao)

AddThis Social Bookmark Button

0 comments

Post a Comment