DINAGAT PROV’L PNP OFFICE ABLI NA  

GI-ABLIHAN NA kagahapon ang Dinagat Island Province Police Office, didto sa bag-ong lalawigan sa Dinagat Island.

Matud ni P/Chief Supt. Antonio D. Nañas, nadawat na nila ang kamandoan gikan sa Campo Crame, nga nagpahimutang kang P/SSupt. Rolando dela Cruz, isip acting Provincial Director sa maong buhatan.

Ang pagpangatungdanan ni dela Cruz, may pag-uyon usab gikan ni Dinagat Island Province Gov. Jade Ecleo Villaroman.

Si dela Cruz may kaubang 36 ka mga personahe ug mga opisyal nga gikan sa PNP regional office isip augmentation force sa maong buhatan. Kini dugang sa mga kapolisan nga didto nang daan sa maong isla.

Ang PNP sumala ni Nañas, mao ang ikatulo nga ahensya nga misulod sa maong bag-o nga lalawigan.

Una niini, ang Department of Agriculture ug ang DPWH. (Noel Najarro/Periodico Butuan)

AddThis Social Bookmark Button

0 comments

Post a Comment