KINAWAT NGA CELLPHONE NABAWI TUNGOD SA TAWAG SA TAG-IYA  

TUNGOD SA TAWAG sa tag-iya, nahiuli ra gihapon kaniya ang iyang cellphone nga gikawat ug gibaligya na didto sa Purok 1, Barangay Canlanipa, Surigao City niadtong usa ka adlaw.

Matud sa pulis report, malampusong natangag sa kawatan ang cellphone ni Dra. Alice Amania y Lambos, principal sa Malimono Elem. School. Apan gibaligya kii sa kawatan ngadto kang Jinky Gonzales y Taripe, 27-anyos ang edad, negosyante, ug molupyo sa Purok 1, Barangay Canlanipa, Surigao City.

Sumala sa pulis report, duha ka lalaki ang miduol kang Jinky ug gibaligya kaniya ang cellphone nga may camera.

Apan dihang gigunitan na ni Jinky ang cellphona kalit kining mi-kiriring, ug dihang gitubag kini ni Jinky, mingtingog ang pikas linya ug “PALIHUG IULI ANG CELPHONE, MALOOY KAW, TAGAAN TA KAW NAN 5 K”.

Tungod niini, gitawagan ni Jinky ang iyang ig-agaw nga si Marilou ug gihangyo nga pahibaw-on ang pulisya bahin sa iyang nadiskburehan kay nagtuo gyod si Jinky nga kinawat ang maong cellphone.

Apan bisan pa sa abtik nga pagresponde sa pulisya sa tawag ni Marilou, wala na gihapon naabtan sa pulisya ang duha ka gisuspetsahang kawatan nga maoy nagbaligya sa cellphone nga Nokia 7200 with cam, ngadto kang Jinky sa kantidad nga P3,000.

Ang usa sa mga suspek giila nga mao si Bonard Carpio, ulitawo ug molupyo sa Purok 1, Barangay Canlanipa, Surigao City.

Gikuha sa mga pulis ang cellphone ug gi-kustodiya, apan sa follow up report kagahapon, gibutyag nga nahiuli na ang maong cellphone ngadto sa tag-iya niini.

Wala na hinuon ma-uli ang kuwarta ni Jinky nga gibayad sa cellphone. (Jodian Jayme / Periodico Surigao – Surigao City)

AddThis Social Bookmark Button

0 comments

Post a Comment