KORAL SA USA KA TULUNGHAAN GIHIMONG "CR"

Daghang mga estudyante, ginikanan ug magtutudlo ang nag nagpakita sa ilang pagsaway sa pipila ka mga drayber sa atong mga motorsiklo nga nag istambay diha sa may Amat St. kay gihimo na nilang "CR" ang koral sa tulunghaan sa Navarro Memorial Elementary School.

Dugang pa sa usa ka lumalabay, gihimo usab kini nga sugalan kay anha man dinha maghantak ang mga drayber ug lugar pahulayan tungod sa kapresko sa dagkong kahoy nga naa dinha. Apan, nahimong salawayon ang ilang buhat ilabina, naghatag sila ug dili maayong ehemplo sa atong mga kabataan sa pagpangihi sa pader ug pagsugal.

Tungod niini, pinaagi na sa mga opisyales sa maong tunghaan ilang gisang-at kini nga problema kang Brgy. Capt. Bienvinido Zabala ang kapitan sa Barangay Taft ug gipaabot na lang nato nga dunay kongkretong aksyon kabahin niini. (Marx Rev Buenavidez/Periodico Surigao)