Surigao City (18 June) - TULO KA TAWO, apil na ang usa ka empleyado sa PACEMCO ang nasamdan human nagsungag ang usa ka motorized tricycle ug usa ka Suzuki pick-up didto sa Borromeo kanto Rizal Street, Surigao City alas 12:45 ang takna buntag kagahapon, Hunyo 17, 2007.
Ang mga biktima mao sila si Jayperson Sulapas Cortes, 29-anyos ang edad, empleyado sa PACEMCO ug molupyo sa Vasquez Street, Surigao City nga giobserbahan karon sa tambalanan, u gang usa ka babaye ug usa ka lalake nga wala ginganlan sa report.
Matud sa imbestigasyon, ang tricycle nga usa ka Kawasaki, may Plate No. LU 2905 ug body no. SC 0236 nga narehistro sa ngalan ni Celso H. Soquib, sa Purok 4, Don Ruben, San Jose, Surigao del Norte ug gimaneho ni Ronal Estellore Bataluna sa Purok 8, Cayutan, Brgy. Cagniog, Surigao City, nagdagan sa Borromeo Street, paingon sa kasadpang bahin.
Ang Suzuki pick up nga may plate No. YBF 261 nga rehistrado sa ngalan ni Ruby Buenaventura sa Vasquez kanto San Nicolas Street, Surigao City ug gimaneho ni Arnulfo Alforque Buenaventura, taga Vasquez cor San Nicolas Street, Surigao City usab nagdagan sa Rizal Street, Surigao City paingon sa amihanang direksyon.
Apan pag-abot sa liko-on nga bahin sa Rizal-Borromeo Streets, miliko ang pick-up ug pag-abot sa atubangan sa City Gym aksidente niining nadasmagan ang tricycle.
Nasamdan sa maong hitabo ang driver sa tricycle u gang tulo niya ka mga pasahero ug gidali sa pagdala ngadto sa Caraga Regional Hospital.
Dako ang danyos sa tricycle nga nalumping gyud ug mayo tungood sa pagka-bangga. Bisan ang pick-up may kadaut usab.
Sa gihimong alcoholic breath, nasuta nga ang driver sa pick-up positibo busa temporraryo kining gidetene sa kapolisan. Nagpadayon pa ang imbestigasyon ning maong kaso.
