YENG CONSTANTINO SA PROKLAMASYON NI PETER BOY

Gitakdang muadto didto sa lungsod sa Dapa, Surigao del Norte ang sikat nga singer ug Pinoy Dream Academy winner nga si Yeng Constantino atol unya sa proklamasyon sa bag-ong napiling Mayor nga si Peter Boy Ruaya karong Hunyo 29, 2007.

Mao kini ang nakuhang report sa Periodico Surigao bag-uhay pa lamang didto sa lungsod sa Dapa.

Kung kahinumduman, si Yeng Constantino maoy nagsulat ug nagkanta sa usa sa mga jingles ni Ruaya atol sa miaging piniliay.

Ang maong jingle nakakuha kini ug dakung atensyon sa katawhan didto sa lungsod sa Dapa.

Si Yeng Constantino maoy nagpasikat sa kantang Hawak Kamay, Pangarap Lang ug Salamat. (Periodico Surigao)