SA SURIGAO DEL NORTE: SAKIT NGA SCHISTO MIDAGSANG, TAPNATSER NA POD SA CARAGA

Surigao City (19 June) - TAPNATSER na pod ang Surigao del Norte sa kaso labot sa pagdagsang sa sakit nga schistosomiasis (schisto).

Gikumpirmar kini mismo sa Department of Health-Provincial Health Team (DOH-PHT) sa gihimong pakisusi sa PERIODICO Surigao di pa dugay.

Ang “schisto”, usa kini ka matang sa balatian nga dulot sa “parasitic worm” nga makuha gikan sa dili limpyo nga tubig ug ginasabwag sa suso o snail.

Segun sa report sa PHT, misaka sa 7.36% ang kaso sa sisto sa probinsya sa Surigao del Norte, ug kini ang giilang pinakataas nga kaso sa tibuok rehiyon sa Caraga.

Sa mga dapit diin gikataho ang kaso sa pagdagsang sa sakit nga Schisto, ang lungsod sa Burgos maoy gitaho nga adunay pinakadaghang kaso sa tibuok probinsya.

Matud sa mga eksperto, ang timailhan sa tawo nga naapektuhan sa sakit nga Schisto, mao ang pagbaton niya ug katol-katol sa panit (rashes), pabalik-balik nga hilanat, ubo, sakit sa mga kaunoran sa sulod sa usa hangtud sa duha ka bulan.

Giawhag karon sa tinugyan sa maayong panglawas ang katawhan sa paglimpyo kanunay sa ilang palibot, ug pagawson gayod ang mga wala nakagawas nga mga tubig (stagnant water) nga maoy sagad pagasanayan o huy-an ug suso (snail) nga nagdala sa sakit nga sisto.(Periodico Surigao)