LALAKI NASANGIT SA WIRE SA SURNECO, NAHAGBONG SA TRAK  

MI-LANDING GYOD sa tambalanan, ang usa ka lalaki human kini nahagbong sa stick truck nga iyang gisakyan dihang nasangit siya sa wire sa SURNECO didto sa Barangay Sabang 111, Surigao City alas 10:35 sa buntag kagahapon, Hulyo 4, 2007.

Giila sa pulis report ang biktima sa ngalan lang nga Michael, taga Malimono, Surigao del Norte, kinsa na-admit gyod sa tambalanan tungod sa nahiagoman niyang balda sa lawas gumikan sa iyang pagkahagbong sa Isuzu Stick truck.

Ang pasiunang imbestigasyon nagtungan nga ang biktima, nagsakay sa Isuzu stick canopy nga may plate no. GAS – 167 ubos sa Certificate of Registration no. 3740732-2 nga gipanag-iya sa Western Coconut Prod. Mktg. Coop sa Malimono, Surigao del Norte ug gimaneho niadtong tungura sa usa ka Eduardo Ednalig Lacaran, taga Purok1, Malimono, Surigao del Norte.

Ang maong sakyanan kargado ug sinakong kopras didto sa Barangay Sabang 111 paingon sa siyudad sa Surigao. Didto sa atop sa truck nagpungko ang biktimang si Michael,busa dihang miagi na ang truck sa atubangan sa Trozo Residence, disgrasyang misangit kini sa wire sa SURNECO, hinungdan nga nahagbong sa iyang gisakyan.

Gidali sa pagdala ngadto sa sa Caraga Regional Hospital ang biktima aron patambalan. (Jodian Jayme/Periodico Surigao)

AddThis Social Bookmark Button

0 comments

Post a Comment