NANG-DISCO GIBATO, IGO SA ULO, PATAY

Patay gyud ang usa ka biktima human kini gibato sa tulo ka mga suspetsado, alas 8:00 niadtong miaging gabii, didto sa Purok2, Brgy. Gamuton, National Highway, Alegria, Surigao del Norte.

Ang taho gikan sa Alegria Municipal Police Station, miila sa biktima nga si Jubert Jaspe y Albano, 21; taga-Crossing Lapukon, Kitcharao, Agusan del Norte.

Ang mga suspetsado nailhan hinuon sa kapulisan nga sila si Alejandro Naraga, Rex Inao ug Arturo Inao, pulos mga molupyo sa Purok 1, Brgy. Gamuton, Alegria, Surigao del Norte

Matud sa report, ang biktima, pauli na sa ilang panimalay gikan sa disco, dihang giatangan kini sa mga suspetsado ug gibato. (Periodico Butuan)