10 Ka Nasod Apil Sa 13th Int’l Surfing Sa Isla sa Siargao

NAPULO GYOD ka mga nasod ang misalmot sa gihimong 13^th Siargao International Surfing Competition didto sa Cloud 9, Gen. Luna, Surigao del Norte sugod niadtong Septembre 24, 2007.

45 ka mga surfers ang mi-representar sa 10 ka mga nasod nga misalmot sa torneyo.

Sila si Gen. Luna Mayor Felipe Espejon, Billabong SEA Marketing Director Peter Thew ug Surigao del Norte Gov. Robert Ace Barbers, maoy nagpuli-puli sa pagtunol sa ilang diskurso sa pag-abi-abi ug pasalamat ngadto sa mga bisita ug mga isponsor.

Dako gyod ang kalipay ni Mayor Espejon, tungod sa pagdagsang sa mga turista ug mga partisipante sa international surfing contest.

“In our administration, we welcome you (all) with open arms,” sulti ni Mayor Espejon.

“It’s been great to have Billabong involved in the competition,” matud ni Billabong SEA Marketing Director, Peter Thew kinsa nagtug-an nga ang kumpetisyon karong tuiga, nahimo nang worldwide.

“We’d like to take this opportunity to thank everybody who has contributed in the success of this event,” sulti ni Barbers. “This event which started 13 years ago as just a local surfing event became an international surfing event and hopefully we’ll become known worldwide in the next coming years with the help of our friends from the media,” dason usab niya.

Ang mga nasod nga nagpadala ug mga representante alang sa International surfing competition nag-apil sa Australia, Indonesia, France, Japan, New Zealand, The Philippines, Puerto Rico, Hawaii ug Estados Unidos.

Karong Dominggo (Septembre 30) pa matapos ang torneyo. (Fryan E. Abkilan)