‘ALAS’ Sa Surigao Capitol Ihayag Na

IYAGYAG NA gyod ang gitawag nga ALAS SA SURIGAO CAPITOL.

Mismong si Gov. Robert Ace S. Barbers ang “alas” o (ACES) nga nagkahulogan ug Advocacy for Clean Environment and Sustainability mao gyod ang priority agenda sa iyang administration.

Si Barbers nagpasabot nga kining iyang Integrated Environmental Management Program maoy nasuta nga epektibong tubag ngadto sa nag-unang mga environtmental issues nga mahimong sulbaron pinaagi sa matinud-anon nga pagpatuman sa balaod, uban usab sa gitawag ng “sound environmental education and advocacy campaign.”

Si Gob Barbers nag-ingon nga ang alas o “ACES program” opisyal nga ilunsad karong Martes, Oktubre 9, 2007 nga sundan usab sa paghimo sa Provincial Solid Waste Management Summit pag- Oktubre 10.

Ang duha ka dagkong mga kalihokan parehong himoon sa Provincial Convention Center, Capitol Compound, Surigao City.

Ang maong mga kalihokan, magdala sa tema nga “Community Working Together For a Basura-Free Surigao.”

Ang summit hingpit nga magpunting sa diskusyon ng binayloay sa mahinungdanong impormasyon mahitungod sa “solid vaste management issues and concerns” ug kung unsaon usab sa pagtubag ang mga suliran nga masugatan unya pinaagi niini. (gikan sa report ni Fryan/PIA-Surigao del Norte)