Sa Barangay Ipil – Operator Mi-atake, Gisuklan, Patay!

Patay ang usa ka heavy equipment operator dihang gisuklan matud pa a trabahador sa usa ka compound sa Sitio Cabugwason, Brgy. Ipil, Surigao City nga matud pa iyang gi-atake gamit ang usa ka sundang, alas 8:45 ang takna sa buntag niadtong usa ka adlaw.

Patay diha-diha si Roland Corminal Y Amparo,33-anyos ang edad, minyo,usa ka heavy equipment operator sa Alnor Construction nga nagpuyo sa Bagong Silang, Barangay Poblacion, San Francisco, Surigao del Norte, dihang gipaulanan kini ug bala sa suspek nga si Nazeer Monton, 28-anyos ang edad, empleyado sa Espalcor Compound, Brgy., Ipil, Surigao City dihang gipanggukod matud pa sa biktima ang mga trabahante sa Espalcor.

Mismong si Brgy. Captain Tomas Delani sa Brgy. Ipil, Surigao City maoy nagtaho sa kapolisan sa nahitabong kagubot sa iyang lugar.

Sa gihimong imbestigasyon ni P/INSP Jeffrey S. Tamayo, officer of the day sa Surigao City PNP, naklaro nga wala na magginhawa ang biktima, nga naghigda sa yuta tapad sa usa ka sundang atubanganmismo sa Espalcor Office dihang naabtan sa pulisya.

Matud sa report sa report, gikumpirmamismo sa mga empleyado sa Espalcor apil na sila si Rodolfo Retorta Y Villarosa, 57-anyos ang edad, ug Allan Corminal y Libreas, 34-anyos nga kalit lang mitungha sa ilang lugar ang biktima nga nagbitbit sa iyang hinagiban ug gipang atake sila.

Sa kahadlok, nanagan ang mga empleyado aron dili ma maabtan sa sundang.

Apan, didto diay sulod sa compound, nakit-an ni Nazeer ang nahitabo, ug mihulbot dayon kini sa iyang armas ug gipabuthan sa makadaghang higayon ang nangatake nga operator.

Naigo sa lain-laing parte sa lawas ang biktima hinungdan nga namatay kini diha-diha.

Gidala dayon sa Nilo Funeral Homes ang lawas sa biktima alang sa gikinahanglang awtopsiya.

Ang mga sakop sa Scene of the Crime Operation (SOCO) nakarekober ug upat ka mga basiyong cartridges, usa ka balas a caliber .45 ug usa ka stainless ug hait kaayo nga sundang nga may gitas-ong 25 pulgadas apil na ang puloan niini.

Nagpadayon pa ang pagpangita sa mga pulis sa suspek sa maong hitabo. (Jodian Jayme)