19 Anyos Sikop sa Buy-Bust

NAGLAGUKLOK gyod sa selda sa Surigao City Police Station ang usa ka 19 anyos nga gitaho nga nasikop atol sa usa ka buy-bust operation didto sa Brgy. Poblacion, Placer, Surigao del Norte, alas 10:00 ang takna niadtong miaging gabie, Enero 22, 2008.

Si Alamar Ampaso, 19 anyos ang edad, temporaryong nagpuyo sa Brgy. Crossing, Kitcharao, nadakpan sa mga elemento sa Alegria PNP.

Nasakmit gikan sa nadakpan ang usa ka sachet nga gituohang shabu nga gibana-banang nagkantidad ug P5,000.

Narekober pod sa mga pulis ang usa ka .38 revolver Smith and Wesson Brand nga walay serial number ug dunay upat ka wala pa makabuto nga mga bala.

Human nadakpan, ang suspek giturn-over ngadto sa Police Provincial Office sa Surigao del Norte, apan gipreso kini sa presohan sa Surigao City Police Station.