Intensity 3 Nga Linog sa Surigao
at Thursday, January 24, 2008
GIDUYAN sa intensity 3 nga linog ang Surigao City sayo sa buntag kagahapon, Miyerkules.
Ang report nagtug-an nga namatyagan gyod ang linog dinhi sa syudad sa Surigao bandang alas 5:42 sa buntag.
Matud sa PHILVOLCS ang epicenter sa linog nahimutang sa 25 kilometros sa habagatan ug 54 degrees usab sa kasadpang bahin sa Surigao City.
May giladmon nga siyam ka kilometro ang maong linog nga nasukod sa magnitude 4.3 didto sa epicenter.
Giila sa PHILVOLCS nga "tectonic in origin" ang maong linog ug nagsubay kini sa Philippine fault zone.
Wala na hinuoy mga aftershocks nga natala human sa unag pagtay-og. Wala poy report bahin sa kadaut sa tawo ug propriedad tungod sa maong linog.
