Bag-ong ARC Gilusad sa Surigao Norte
Malampusong gilusad sa Department of Agrarian reform (DAR) sa Surigao del Norte ang Sta. Monica Agrarian Reform Community (ARC) didto sa Isla sa Siargao particular n asa Sta. Monica Multi- Purpose Tourism and Cultural Center, sa Sta. Monica, Surigao del Norte.
Ang maong ARC langkuban sa kabarangayan sakop sa Sta. Monica, sama sa Abad Santos, Bailan, Libertad, Magsayasay, Tangbo, Alegria, Garcia, Mabini, Rizal, T-Arlan ug Mabuhay nga adunay 100% accomplishment sa Land Acquistion and Distribution (LAD).
Sa maong okasyon, gihimo pod ang MOA Signing nga maoy mipahiluna sa pagpangapod-apod sa minimum benefits ngadto sa tanang banepisyaryo nga mga baryo, tungod kay ang tanang mga nalambigit nga ahensiya, People’s Organizations, ug mga Non-Government Organization pulos gyod komitido sa pagtikad ug pagtabang sa mga ARC.
Ang pag mugna ug mga ARC, maoy nag-una nga estratehiya nga gisagop sa DAR alang sa paghimong sayon ang pagpaabot ngadto sa mga benepisyaryo sa mga ayuda sa CARP nga gitumong sa pagpauswag sa kahimtang sa mga mag-uuma.
Ang paglusad sa ARC nahimo tungod pod sa ayuda ni Congressman Francisco T. Matugas, sa 1st District sa Surigao del Norte ug ni Rosalinda A. Penera ingon man si Flora S. Hinoguin, Municipal Agrarian Reform Officer.
Mitambong sa okasyon ang mga DAR Officials gikan sa Central Office, nga gipangulohan ni USEC Rosalina L. Bestoyong sa Support Services, Director Reuben Quijas sa Solar Power Technology Support (SPOTS), Engr. Bayani Thaddeus Barcenas, sa Regional Office, Regional Director Engr. Felix B. Aguhob nga nagrepresentar kang Director Freddie Liwanag, sa Provincial Office, PARO Jose T. Sebucao ug mga Staff.
