Ulitawo Naghigda Sa Bangko Gipusil  

Grabe karon sulod sa tambalanan ang usa ka 25-anyos nga ulitawo human kini gipusil sa duha ka de motorsiklo apan wala mailhing lalaki samtang naghigda sa bangko sa Public Market sa Surigao City alas 3:00 sa kaadlawon niadtong Enero 10, 2008.

Ang biktima giilang si Joseph Jamela Sanchez, walay trabaho, taga Nueva Extensión, Surigao City.

Sumala sa imbestigasyon, nahinanok pag-ayo ang ulitawo sa usa ka bangko sa public market, dihang kalit lang miabot ang duha ka wala mailhing lalaki nga armado sa wala matino nga kalibreng pusil.

Walay nay daghang langas, paghiduol gyud, gipusil dayon ang biktima tumong gyud sa dughan.

Human sa pagpusil, paspas nga misibat palayo ang mga suspek sakay sa usa ka kolor blue nga single motor-cycle.

Gidali sa pagdala ngadto sa tambalanan ang biktima, diin kini hugot nga gibantayan ang kahimtang.

Nagpadayon pa ang manhunt operations sa Surigao City Police batok sa wala mailhing mga killers.

AddThis Social Bookmark Button

0 comments

Post a Comment