3 Ka NPA Suspek Sikop  

ARESTADO ang tulo ka suspetsadong sakop sa New People’s Army (NPA) sa gihimong checkpoint didto sa Purok 1, Sitio Suyucan, Brgy Sabang, Surigao City alas 9:30 ang takna niadtong miaging gabii.

Ang mga dinakpan giiling sila si JULITO AVILA Y BAGUHIN, 47 anyos ang edad, minyo, usa ka mag uma ug molupyo sa Brgy.Jaliobong, Kitcharao, Agusan del Norte, ELEUTERIO MONTER Y ERNO , 20 – anyos ang edad, ulitawong mag- uuma sa Brgy. Baleguian, Jabonga , Agusan del Norte.

Matud sa report, nakadawat ang mga sakop sa Alegria PNP ug usa ka report nga may wala mailhing sakop sa NPA nga nagsakay ug usa ka wala masuta nga behikulo.

Tungod niini, naglusad ug checkpoint ang pulis hinungdan sa pagkasikop sa tulo nga nagsakay sa usa ka isuzu smash motorcycle, color blue nga walay plate number.

Si Julito Avila nga maoy driver, wala poy gikapakitang lisensiya. Matad sa report, sa pagkasakop sa tulo , nasakmit pod gikan sa ilang posesyon ang mga subersibong dokumento ug usa ka cellular phone ( NOKIA 1100) . gikasaka na ang kasong inciting to sedition ngadto sa Provincial Prosecutor’s Office ubos sa Information Sheet number 2008-071. Pinaagi sa inqueest proceedings, gidala gilayon ngadto sa provincial jail ang mga dinakpan.

AddThis Social Bookmark Button

2 comments

  • Anonymous  
    February 26, 2008 at 11:37 AM

    "isuzu smash motorcycle, color blue nga walay plate number."

    Angayan gyud nga dakpon kay sa akong nahibaw-an wala pa gyuy ISUZU nga motorsiklo sa pagka-karon. kung naa man gani mupalit gyud ko ani kay sigurado ko basta ISUZU mudagan nig krudo... ^^

  • Periodico  
    February 26, 2008 at 8:28 PM

    It's Suzuki motorcycle.. *twink*

Post a Comment