Kawat Sikat pod sa Alegria  

SIKAT POD ang kasong kawat sa Alegria, Surigao del Norte. Di pa lang dugay, kapin P27-mil ang nawagtang gikan sa usa ka Misis human gisaka sa suspetsadong kawatan ang ilang panimalay didto sa Brgy. Quano, Alegria, Surigao del Norte niadtong miaging kaadlawon.

Ang biktima giilang si MARY GRACE F. TOLIBAS, 30-anyos. Sa imbestigasyon sa pulis, nasubay ra gyod ang suspek nga giilang si RAMIL BANGA, 19–anyos, taga Butuan City.

Matud sa report, ang suspek nakasulod sa balay ni Tolibas, subay sa pultahan sa likod sa balay pinaagi sa pagguba sa kandado. Didto sa sulod sa balay, way pupanagana nga gilampurnas sa suspek ang salaping cash balor P16,000 tulo ka relo de pulso nga Seiko balor P7,000 ug duha ka mga cellular phones (NOKIA 1100) nga nagkantidad ug P4,000. Giandam na ang kaso batok sa suspek, samtang nagpadayon pa ang imbestigasyon sas kapolisan ning maong kaso.

AddThis Social Bookmark Button

0 comments

Post a Comment