2 Ang Patay! Motor Nadaro sa LCI Bus

DUHA ANG PATAY, human gidaro sa bus sa LCI Bus Company ang usa ka motorsiklo nga mikalit lang sa pagtabok sa highway didto sa Maharlika Highway sa barangay Lipata, Surigao City alas 10:15 ang takna niadtong miaging gabie.

Matud sa report, ang single motorcycle nga Suzuki rider, may plate number KS 4553 nga gimaneho ug gipanag-iyahan ni JEE IAM TEJADA ANGOB sa brgy. Ipil, Surigao City nagdagan gikan sa Almont Resort (kanhi Maharlika Training Center) paingon sa Surigao City dihang napunggit kini ug gidaro sa de pasaherong FUSO Bus sa LCI Bus Company, nga taga Davao City ug gimaneho sa usa ka ARETOS LAWAS nga taga Purok 13, Bugac, Davao City.

Sumala sa pasiunang report, ang LCI Bus nagdagan paubos paingon sa Lipata Ferry Terminal.

Apan pag-abot sa junction, mikalit ug labang ang biktimang motorsiklo, busa milikay ug kalit ang bus. Pero luyo sa paglikay, misadsad ang bus sa walang lane sa highway, ug nadasmagan gyod ang motorsiklo, nga gitaho nga gawas sa driver, may angkas nga wala nganli niadtong tungora.

Tungod sa impact, naguyod gyod sa bus ang motorsiklo hangtud ngadto sa pipila ka metros.

Gidali dayon sa pagdala ngadto sa Caraga Regional Hospital, ang driver sa motorsiklo ug ang iyang angkas.

Apan sa report, gibutyag nga ang driver sa motorsiklo gideklara nga Dead on Arrival samtang ang iyang angkas giingong anaa sa grabe nga kahimtang.

Wala hinuon madugay, gibalita ra pod nga gibawian sa iyang hinulamang kinabuhi ang wala nganli nga angkas.

Nagpadayon pa ang imbestigasyon sa pulisya ning maong kaso.