Gobernador Ace Barbers nang-apud-apud ug tseke sa Kabarangayan sa Sison, Mainit ug Alegria  

Dako ang kalipay sa mga barangay kapitanes sa mga lungsod sa Sison, Mainit ug Alegria sa gihimong pang-apud-apud ni Gobernador Ace Barbers ug mga tseke nga nagkantidad sa tag Dies Mil (Php10,000.00) ka pesos, agig barangay assistance, niadtong milabay nga adlaw diha sa iyang buhatan.

Gipaningkamutan gayud ni Gov. Barbers nga mahatagan ug mga barangay financial assistance ang matag barangay sa mga lungsod sa tibuok probinsya luyo sa kalimitado sap undo niini. Dako ang panglantaw sa Gobernador sa matag barangay, tungod kay matud pa sa Gobernador, “anaa diha sa barangay level ang direkta nga mga panginahanglanon sa mga katawhan.”

Matud pa sa sa usa ka kapitan nga nakadawat sa maong barangay assistance, “Tataw gayud nga gihimo sa buotan natong Gobernador Ace Barbers para gayud matabangan ang tanan ug wala kini pinili, ug walay iyang lain pang gihunahuna kundi ang kaayuhan sa tanan.”

Pagkatapos sa maong panghatag ug mga tseke, nagkanayon ang Gobernador nga magpaabot lang ang uban pang mga barangay nga wala pa magpakadawat tungod kay giskedyul na kini ug giandam na sa nagdumala sa barangay concerns sa iyang buhatan.

AddThis Social Bookmark Button

1 comments

  • Anonymous  
    May 19, 2008 at 8:20 PM

    Kasagaran mokabig ra man inin mga Barbers, lahi ra gajud ini si Ace. Sabagay kwarta pildido man lagi sila ugsa kinahanglan mobangon.

Post a Comment