Election Protest ni Ex-Gov. Lyndon kang Cong. Romarate Gibasura  

Hingpit na gyud nga gibasura sa House of Representatives Electoral Tribunal (HRET) ang petisyon ni kanhi Gobernador Robert Lyndon Barbers batok kang Cong. Guillermo Romarate. Mao kini ang nakuha nga report kaganihang buntag gikan sa tigpamababa ni Cong. Lalo Matugas nga si Manny Kong.


Matud ni Kong, napakyas si kanhi Gob. Lyndon sa pagdeposito sa kantidad nga P179,000.99 nga additional nga kantidad sa maong sumbong didto sa ubos balay balauranan. Kung kahinumduman, mipasaka ug electoral protest si Gob. Lyndon sa HRET batok kang Romarate tungod sa ginaingong pagpanlimbong sa pipila ka mga lungsod sa probinsya sa Surigao del Norte niadtong miaging 2007 eleksyon.

Tungod sa kapakyas sa pagdeposito ni Gob. Lyndon sa HRET nga gihatagan lamang ug 15-ka adlaw nga lugway, miduso ug motion ang mga abogado ni Romarate sa pagbasura ning maong reklamo.

AddThis Social Bookmark Button

7 comments

Post a Comment