NBI Satellite Office sa Surigao Pagabuksan na Karong Abril 29

Dili na gyud maglisod ang atong mga igsuong Surigaonon pagkuha ug NBI clearance kay sugod karong martes, Abril 29 pagabuksan na ang satellite office sa National Bureau of Investigation diri sa syudad sa Surigao.

Kung kahinumduman, nagpabati ug kasagmuyo ang mga opisyales sa NBI-Caraga sa syudad sa Butuan ug probinsya sa Agusan del Norte kay wala may gihatag nga luna para kanila mao midesisyon nalang sila sa pagbalhin ug opisina diri sa Surigao City diin gihatagan pod sila ug luna ni Mayor Alfonso Casurra.

Si Gov. Ace Barbers sa iyang kabahin mihatag usab ug laing luna para kanila.

Ang field office sa NBI diri sa Surigao City naa mahimutang sa 2nd Floor, Surigao Integrated Jeep and Bus Terminal.