GMA Mibalik sa Caraga

Mibalik na usab si Pangulong Gloria Macapagal Arroyo sa Caraga region human sa pagbisita niini niadtong miaging mga semana dinhi sa Butuan City ug sa lungsod sa Malimono, Surigao del Norte.

Ang pangulo midangat ala 1:00 kagahapon sa hapon kinuyugan nila ni Cabinet Officer for Regional Development (CORD) for Region XIII ug Tourism Secretary Joseph “Ace” Durano. Siya gidawat didto sa Surigao Airport nila ni Surigao City Mayor Alfonso Casurra, Eastern Mindanao Commanding General Lt. Gen. Cardozo Luna ug PNP Caraga regional director CSupt. Jaime E. Milla. Misakay gilayon siya sa chopper paingon sa Dinagat Island.

Sa iyang paghidangat sa lalawigan sa Dinagat Island, alas 1:10 sa hapon siya gitagbo nila ni Gov. Geraldine Ecleo-Villaroman, San Jose Mayor Benglen Ecleo ug diha-diha gipahigayon ang pag-inaugrar sa Tag-iho Bridge sa Brgy. Santo Nino, Basilisa, Dinagat. Diin siya gidawat sa maong dapit nila ni Basilisa Mayor Flor Baltar, DPWH Sec Hermogenes Ebdane, USec Rápale Yabut ug Tag-iho Brgy. Capt. Mibato Hermogenes, Gipahigayon ang briefing sa maong proyekto ni DPWH Sec. Ebdane, ang pagtukas sa marker sa Pangulo ug inaugural drive through sa P22,140,579.42 ug 30.95 linear meter nga tulay nga natapos niadtong Abril 3, 2008 sa pundo nga gikan sa U.K.

Gikan didto, mag-motor ang pangulo paingon sa Brgy Ruben Landing Zone alang sa paglupad paingon sa Sayak Airport, Del Carmen, Siargao Island.

Alas 3:30 sa hapon, midangat ang Pangulo sa sayak Airport, Siargao Island diin siya gitagbo ni Del Carmen Mayor Constantino Navarro IV, Rep. Matugas ug Rep. Romarate. Sa alas 6:00 kagabii, siya gi-interbyu sa duha ka mga media practitioners sa Caraga sulod sa Pansukian Function Room sa Pansukian Tropical resort, samtang ang uban naminaw sa gawas. Dayon mipahigayon siya sa panihapon. Mga alas dyes sa buntag gipahigayon ang pagbukas sa 1st International Gamefishing didto sa lungsod sa Pilar diin si Pangulong GMA maoy nanguna sa pagbukas niani.