Gobernador Ace Barbers Nag-apod-apod ug Tseke sa Kabarangayan sa Sison, Mainit ug Alegria  

Dako ang kalipay sa mga barangay kapitanes sa mga lungsod sa Sison, Mainit ug Alegria sa gihimong pang-apud-apud ni Gobernador Ace Barbers ug mga tseke nga nagkantidad sa tag Dies Mil ( Php 10,000.00) ka pesos, agig barangays assistance, niadtong milabay nga adlaw diha sa iyang buhatan.

Gipaningkamutan gayud ni Gov. Barbers nga mahatagan ug mga barangay financial assistance ang matag barangays sa mga lungsod sa tibuok probinsya luyo sa kalimitado sa pundo niini. Dako ang panglantaw sa Gobernador sa matag barangays, tungod kay matud pa sa Gobernador, “anaa diha sa barngay level ang direkta nga mga panginahanglanon sa mga katawhan.”

Matud pa sa usa ka kapitan nga nakadawat sa maong barangay assistance, “tataw gayud nga ang gihimo sa buotan natong Gobernador Ace Barbers para gayud matabangan ang tanan ug wala kini pinili, ug walay iyang lain pang ginahunahuna kundi ang kaayuhan sa tanan.”

Pagkatapos sa maong panghatag ug mga tseke, nagkanayon ang Gob. Ace nga magpaabot lang ang uban pang mga barangay nga wala pa magpakadawat tungod kay giskedyul na kini ug giandam na sa nagdumala sa barangay concerns sa iyang buhatan. (Media Affairs Offfice)

AddThis Social Bookmark Button

0 comments

Post a Comment