3 Ka Lantsa Nalunod

Pito gyod ka mga mananagat ang hangtud karon wala pa igkita samtang nasalbad ang laing 39 ka mga tawo dihang nalunod ang tulo ka mga sakayan sa kadagatan dihang gikuso-kuso sa bagyong Frank ankadagatan sa Siargao Island ug Surigao del Norte niadtong usa ka adlaw.

Matud sa report sa Public Information Office-Police Regional Office 13 sa Butuan City, ang Coast Guard ug ang Quick Action Response Team sa Surigao City nagpadayon pa hinuon sa ilang rescue mission ngadto saw ala pa igkita ang pito ka mga mananagat.

Ang nawala nga mga mananagat giilang sila si Johnrey Asan, 27; Wendelberto Asan, 21; Alan Asan, 39; George Ubay, 20; Damian Usayan, 51; Rejay Itac, 35; ug Jun Zaide, 34 nga pulos molupyo sa Purok 2, Sabang, Surigao City.

Sayo niini gibutyag nga 39 ka mga crew members ang gibanlas didto sa kabaybayonan sa Cagwait, Surigao del Sur ug Taganaan, Surigao del Norte.

Nasayran nga ala 1:00 sa hapon niadtong Biyernes, ang MV Meme II nga gidumala sa 18 ka mga crewmenbers ug ang MV Balljack Tricks nga gipadagan pod sa 11 ka mga lalaki, nalunod sa kadagatan sa General Luna, Siargao Island tungod sa kusog nga hangin gikan sa bagyong Frank nga milatos sa Surigao.

Ang nawagtang nga mga mananagat, tripulante sa MV Meme II may duha na ka mga survivors ang natabangan sa usa ka fishing boat nga ginganlan ng MTGR ug midunggo didto sa pantalan sa Cagwait, alas 10:00 sa buntag niadtong sabado.

Ang tanang mga survivors gitambalan ni Dr, Sherwen Mantilla, Cagwait Municipal Health Officer.

Alas 10:00 sa buntag, ang fishing boat nga ginganlan ug Trina nalunod pod sa kadagatan sa Gigaquit, Surigao del Norte, apan ang 17 crewmen naluwas sa mga mananagat, local government rescue team ug Quick Response Team sa lain-laing barangay sakop sa Taganaan, Surigao del Norte.

Gibutyag sa pulis report, nga ang likod nga bahin sa fishing boat maoy nadaut sa dagkong balod, busa misulod nag dagat ug nalunod ang sakayan.