Marajaw na adlaw sa mga Surigaonon! Oist, amo nabatian kuman na gikatakdang tawgon sa hawanan sa konseho si Mr. Bonpin, tag-ija nan SRBC, bahin inin ‘soon to open’ kuno na mall diri sa Surigao City, na hantud kuman ya pa gani maligdok. Pangutan-on kuno si Mr. Bonpin uno namay latest developments inin ija mall. Kun mapadajon paba ini o dili. Si Mayor Pons Casurra hugot sab na musoporta ini na move nan konseho.

Arang na sab na mga Surigaonons an nangutana kun-o paman ini masugdan. ‘Tawon kita raman na karaan na nasyudad sa Pilipinas an ya pay sinehan. Uy, ya kunoy sesyon kahapon sa syudad kay way kurom. Nauno na, hain naman baja inin ato mga konsehal kuman? hehe.

xxx

Kutob rakan kuman biyernes, Feb. 29 an mga habal-habal na magbiyahe sa Surigao. Amo ini an laong nan taga LTO ug City Traffic kay ila namatikdan na medyo nutaas an disgrasya sa habal-habal.

Inday lage kun kun-o maghamok an disgrasya sa mga motor amo paman sila mandakop. Pastilan sab.

xxx

Adton pagselebrar nato nan People Power last Monday, February 25, mihatag ug pamahayag si Gob. Ace Barbers bahin kining giatubang karon nga krisis pulitika sa atong nasod. Sa iyang pamahayag, hugot pa gihapon siya nga misuporta sa liderato ni Pres. Arroyo, giawhag kuman ni Gov. Ace na hunongon anay jaon pamulitika. Ipakilid lage anay kuman an pamulitika kay dili kuno kana makatabang sa atong ekonomiya.

Hala mga Surigaonon, umay ijo ikasulti?

Read More...

Gipreso karon ang tulo ka mga babaye ug usa ka lalaki human gimando sa korte nga sikopon sila tungod sa kasong estafa.

Sila si Erlinda Noquerra, Melenia Consigo, Epifanio Espinol ug Sol Mausisa, nadakpan didto sa barangay Población 5, General Luna, Siargao Island, Surigao del Norte niadtong usa ka adlaw.

Ang mga akusado giaresto mismo sa mga pulis nga gipangulohan ni P/Inspector ADRIN ANTONIO, chief of Police, subay pod sa warrant of arrest nga giluwatan ni Judge Evangeline Yuipco Bayana, Presiding Judge sa RTC Branch 30, sa Dapa, Surigao del korte. Ang mga akusado nag-atubang ug kasong estafa ubos sa criminal case number 48-07.

Gitanggong ang mga dinakpan didto sa General Luna, samtang gipaabot pa ang order sa korte, labot sa ilang kaso

Read More...

Bisan pa sa gianunsyo nga hugot nga kampanya sa Pulis-Surigao batok sa makamatay nga mga armas, nagpadayon ang kasong dinungabay.

Usa ka ulitawo ang anaa sa malisod nga kahimtang karon sulod sa tambalanan human siya gidunggab sa usa ka Dapan-on didto sa boulevard, duol sa Diez Street, Barangay Taft, Surigao City, alas 9:00 ang takna niadtong miaging gabii.

Ang biktima, giila nga si MIGUEL DIEGAS, lumad sa cabilan,Dinagat, Dinagat Province samtang ang suspek, mao usab ang usa ka ULYSSES BORNALES SOLLOS, 26 anyos, minyo, usa ka tricycle driver nga lumad sa Sta. Fe, Dapa, Siargao Island, Surigao del Norte nga nagpuyo temporaryo sa Nueva Ext.., Brgy. Taft, Surigao City.

Usa ka karaang dumot ang gitudlong rason sa pagpanggab gamit ang usa ka 27 pulgadas nga sundang.

Matad sa report, boluntaryong miampo ngadto sa pulisya ang suspek nga si Sollos, ug mao nay nagsulti sa pulis nga nakadunggab siya didto sa taft.

Sa iyang sulti sa pulisya, giklaro ni Sollos nga daghang higayon gyod niyang gidunggab ang biktima tumong sa lain-laing parte sa kalawasan niini.

Gibutyag nga kung wala pa paundanga sa igsoon ang suspek, nagpadayon pa unta kini sa pagpanunggab. Gihatud mismo sa igsoon ang suspek ngadto sa pulis.

Ang biktima, gidali sa pagadla ngadto sa CARAGA Regional Hospital diin gitambalan ang duha niya ka mga samad dinunggaban sa tiyan, ug liog.

Gibutyag ubos sa hugot nga obserbasyon sa mga doctor ang nahisgutang biktima.

Apan ang suspek nga gipugngan karon sa mga pulis, giandaman na ug tukmang kaso nga giakdang ipasaka sa korte sa labing madaling panahon.

Read More...

ARESTADO ang tulo ka suspetsadong sakop sa New People’s Army (NPA) sa gihimong checkpoint didto sa Purok 1, Sitio Suyucan, Brgy Sabang, Surigao City alas 9:30 ang takna niadtong miaging gabii.

Ang mga dinakpan giiling sila si JULITO AVILA Y BAGUHIN, 47 anyos ang edad, minyo, usa ka mag uma ug molupyo sa Brgy.Jaliobong, Kitcharao, Agusan del Norte, ELEUTERIO MONTER Y ERNO , 20 – anyos ang edad, ulitawong mag- uuma sa Brgy. Baleguian, Jabonga , Agusan del Norte.

Matud sa report, nakadawat ang mga sakop sa Alegria PNP ug usa ka report nga may wala mailhing sakop sa NPA nga nagsakay ug usa ka wala masuta nga behikulo.

Tungod niini, naglusad ug checkpoint ang pulis hinungdan sa pagkasikop sa tulo nga nagsakay sa usa ka isuzu smash motorcycle, color blue nga walay plate number.

Si Julito Avila nga maoy driver, wala poy gikapakitang lisensiya. Matad sa report, sa pagkasakop sa tulo , nasakmit pod gikan sa ilang posesyon ang mga subersibong dokumento ug usa ka cellular phone ( NOKIA 1100) . gikasaka na ang kasong inciting to sedition ngadto sa Provincial Prosecutor’s Office ubos sa Information Sheet number 2008-071. Pinaagi sa inqueest proceedings, gidala gilayon ngadto sa provincial jail ang mga dinakpan.

Read More...

Morag sakit nga mananakod, ang istorya sa NBN-ZTE posoy deal. Haskang daghana na ang nasangit!

***

Primero, si COMELEC Chairman Benjamin Abalos ug First Gentleman Mike Arroyo ra ang gituslok. Pero karon, haskang daghana na ang migimok ug naapil sa gilok.

***

Sa sinugdan, ang anak ni kanhi Speaker Jose de Venecia, Jr., nga si Joey de Venecia maoy nagyagyag sa giingong OVERPRICED nga transaksyon. Dayon, migawas ang istorya nga may gustong maka-um-um.

Misamot dihang si kanhi Speaker de Venecia. Nanggawas na dayon ang istorya nga SIGURADONG SIPA na siya sa iyang pagka-Speaker!

***

Pila kaha ka gabie nga way maayong kinatulgan si JDV, una nahuman ang sugilanon. Ug tuod man, subay sa giingog NAHISULAT NA ANG TANAN, nalagpot gyod si de Venecia sa iyang katungdanan.

***

Pero ang ZTE-NBN gilok padayon nga mikulikot. Human nagbirthday ug hulga sa WARRANT OF ARREST gikan sa Senado si Secretary Neri, nawala ang iyang consultant nga si Jun Lozada. Taranta ang tanan. Taranta ang media, hasta na ang mga GAMHANAN dihang nangugat ang mga tinubdan nga si Lozada adto gyod sa senado ipaatubang.

***

Ug pagtugpa gyod sa tugpahanan, kalit lang gisakmit si Lozada sa mga kamot nga ambot kang kinsa. Nanggawas ang istorya nga gikidnap si Lozada.

***

Ug human sa presscon sa kaadlawon, naklaro ang sugilanon. Si Lozada gipugos daw pagsignit aron dili maka-TELL THE TRUTH sa senado.

***

Apan sama sa sapa, wala gyud kapugngi. Mibuhagay ang mga istorya. Ug karon, tibuok kalibutan na ang nasayod nga MAY GUSTO GYOD MANGUWARTA niadtong ZTE-NBN posoy transactions.

***

Dayon, nagpusot-pusot ang mga hulga. Idemanda ang senate blower nga si Lozada ug libelo. Pasakahan ang iyang pamilya ug kaso nga forgery. Gukdon pod siya si Lozada tungod sa isyong kurakot sa iyang pagpadagan sa iyang opisina kanhi-ang Philforest.

***

Wala pa didto matapos ang sugilanon. Mitulo na ang daghang luha ug sip-on ni Lozada ug sa iyang pamilya. Nabasa na pod ug maayo ang ngalan sa mga Arroyo, nga naapil na intawon ug waswas sa NBN-ZTE issue. Taktak na pod sa puwesto sa pagka-Speaker si de Venecia.

***

UG karon, si PNP chief Avelino Razon na pod ang gituslok-tuslok sa iyang mga mixta sa PMA. Gi-awhag si Razon nga RESIGN NA LANG kay sa pugong-pugongan mo ang kamatuoran.

***

Unya, ang GILOK sa gibulgar nga transaksyon nagpadayon. Human sa makabungog nga diskurso ug saway atol sa martsa-protesta niadtong usa ka adlaw, naghulga si DOJ secretary Raul Gonzales nga si SIPAON GYOD sa puwesto ang mga sakop sa gabinete nga moapil sa MISA para suporta kang Lozada niadtong Domingo.

Walay tuod cabinet member sa kasamtangang administrasyon ang misalmot, pero nagtapok ang karaan ug kanhi mga cabinet secretaries nga gilangkuban ug 60 kabuok. Nagkahiusa ang kanhing mga TAGA MALAKANYANG sa ilang panawagan sa ilang mga counterparts karon nga mopahawa na samtang “wa pa silay mantsa.”

***

Pero ang panawagan ug manifesto gibalosan ug panawagan ug manifesto. Ang kasamtangang mga sakop sa gabinete ni Mrs. Arroyo mingpilit ug maao sa ilang puwesto ug nagklaro nga “didto na lang sa korte dalhon ang NBN-ZTE issue.”

***

Kada adlaw, ingon niini ang sistema sa kaulohan sulod na karon sa pipila ka semana. Kada adlaw, anaa ang drama. Kada adlaw giatangan ang historia. Kada-adlaw usab ang PAGPANGHIMAKAK o DENIAL!

***

Sa ato nang giingon, morag TUBIG kining isyu sa NBN-ZTE-posoy transaksyon. Kanus-a hinuon nabuslot, dinha pa mibuhagay ug samot.

Haskang daghana na ang nangabasa.

Read More...

IMBES MIRESPONDE aron maundang ang kagubot, ang Pulis na hinuon ang biktima.

Bugbog sarado, ang usa ka PO1 MARLOU C. ALICANTE , PNP member of San Francisco Municipal Police Station sa lalawigan sa Surigao del Norte, human siya gikulat sa iyang gidakop unta nga suspek nga giilang si RALF ORILLO Y REYES, 22-anyos ang edad ug ulitawo didto sa Municipal gym, alas 10:00 ang takna niadtong usa ka gabii.

Sumala sa imbestigation , nagwala si RALF ORILLO Y REYES, ug namuak og mga botelya sa softdrink hinungdan nga nag-panic ang mga estudiante og maestro.

Ming-responde si PO1 MARLOU C. ALICANTE ug gibadlong ang suspek. Apan wala kini mamati sa pulis, hinunua gisumbong niini ang sulugoon sa balaod nga nakatilaw gyod ug mga bun-og.

Miaksyon pa unta pagdunggab gamit ang buak nga botelya ang suspek, apan wala na kini magmalampuson kay naka-abot na ang uban pang sakop sa kapolisan sa San Francisco.

Matud sa report, si PO1 Alicante, nagbantay sa Junior and Seniors Prom ( JS ) sa San Francisco National High School.

Wala damha, ang suspek nga naka-inom na, nag-wild ug namuak sa mga botelya sa softdrinks.

Nagpaila dayon nga pulis si Alicante, imbes moundang, gikulata na hinuon ang sulugoon sa balaod.

Giandam nas karon ang tukmang kaso batok sa dinakpan. (AIREN SINDAY/Periodico VisMin News - Surigao del Norte)

Read More...

GI – DETENE gyod sa Surigao City PNP ang usa ka 60- anyos nga negosyante nga nagdala – dala ug armas nga walay klarong mga dokumento.

Si Jaime Paradillo y Verana, 60-anyos, nga negosyante taga Amag, Bauyas, Surigao del Sur gidakop sa mga pulis didto sas Imelda ‘s Videoke Hauz sas Borromeo Street, Surigao City niadtong miaging kaadlaw.

Matud sa report, ang negosyante nakit–an didto sa sulod sa imnanan, nga may nagbukdo nga pusil. Tungod niini, nanawag ang pipila ka mga customers sa videoke hauz ngadto sa pulisya aron ipadakop ang tigulang.

Pag–abot sa pulis, naklaro nga may dalang 45 caliber pistol COLT MK IV series number 245791 ug kargado sa unom ka wala pa makabuto nga mga bala ang suspek. Dihang gipangitaan ug papeles nga magmatuod sa legalidad sa iyang pagadala-dala sa pusil, walay nahipakita ang negosyante busa gidala kini ngadto sa pulisya.

Sa pagsulat ning maong report, nagpabilin pa sa ilawom sa custodial investigation sa Surigao City PNP ang magpapatigayon.

Read More...

PATAY ANG TATAY ug grabe pod ang anak sa nahitabong RAKRAK sa Surigao del Norte alas 7:00 ang takna niadtong miaging gabie.

Dead on the spot ang tatay nga si Martino Conor, 47-anyos ang edad usa ka biyudo, samtang grabe ang anak nga si Bernardo Conor, 22 anyos ang edad, ulitawo dihang giatake sila didto sa Matin-aw, Mainit, Surigao del Norte.

Usa ka nagngalan lang ug DODONG ang gitudlong suspek sa maong panghitabo.

Ang spot report hinuon nga nakaabot sa Surigao del Norte PPO sa Surigao City kagahapon, wala magbatbat sa mga detalye, ilabi na ang giingong pag-atake.

Giklaro lang sa report nga DUMOT ang posibleng hinungdan sa pagpamusil.

Sumala sa balita, ang tatay nga si Martino, naigo sa tuo niyang dughan, hinungdan sa iyang diha-diha nga kamatayon. ang anak nakabaton pod ug daghang samad sa iyang dughan, wala nga paa ug tuo nga bukton.

Gidali dayon kini sa pagdala ngadto sa Mainit Medicare and Family Hospital, apan wala madugay gidala kini ngadto sa Caraga Regional Hospital alang sa dugang pagtambal.

Narekober sa mga imbestigador gikan sa lugar sa krimen ang usa ka tingga ug basiyong cartridge sa .45-caliber pistol.

Nagpadayon pa ang makuting imbestigasyon ning maong kaso. (Airen I. Sinday)

Read More...

Mao kini ang atong Luneta Park karon. Medyo malimpyo gihapon tungod kay gihingusgan karon sa kagamhanan sa Surigao City ang kampanya bahin sa kining pagpandakop sa mga tawo nga makit-an nga gapataka lang ug labay sa ilang mga basura.

(Photos from skyscrapercity.com)

Read More...

Usa ka inter-school hip hop dance showdown ang gipasiugdaan karon sa Rotaract Club of Metro Surigao karong Pebrero 20 (elimination round), 25 (Semi-Final) ug 27 (Final) sa City Auditorium. Para sa dugang impormasyon pakibisita lang ang Mister Donut-Surigao Branch ug pangita-a si Frax.

Read More...

Naukay ang katawhan sa barangay Bonifacio, Surigao City, human may
Nakit-ang patay nga lawas nga naglutaw-lutaw sa sapa niadtong miaging adlaw.

Sa pagsubay, nailhan hinuon ang wa nay kinabuhi nga lawas nga iya sa usa ka
RICARDO PAGAS CAVITE, 67 anyos, biyudo nga molupyo sa Purok 2, Brgy.,
Bonifacio, Surigao City.

Matud sa pulis report, alas 2:00 pa sa hapon niadtong Pebrero 1, 2008 milakaw
Sa ilang balay ang biktima aron ibalhin ang iyang kabaw nga didto sa pikas kampi
Suba.

Pero sukad niadto, wala na makabalik ang tigulang, ug bisan diin na gipangita, wala gyod kini makit-i.

Niadtong usa ka adlaw, nakit-an ra gyod sa mga batan-on nga nagtugaw sa ilang
Kabaw, ang lawas sa biyudo, apan wala nay kinabuhi ug nagpaingon n asa pagkadunot.

Sa pagsulat ning maong balita, ang patay nga lawas gitano nga gidala na ngadto sa Nilo Funeral Services sa KM.3, National Highway, Brgy Luna Surigao City.

Read More...

DAKONG ALKANSI sa gastos sa gas tungod kay gamay ra ang pasahero, maoy dako ug nag –una nga rason nganong miundang ang eroplanong Asia Spirit sa pagbiyahe sa Surigao- Manila nga rota.

Mao kini nasayran ni kanhi Gobernador Robert Lyndon Barbers, nga personal gyod nga nagpakisayod ngadto sa mga opisyales sa Asian Spirit.

Sumala ni Gob.Lyndon, nasubo gayod siya sa pagkawala sa biyahe sa eroplanong Asian Spirit tungod kay apektado gayod ang tourism development sa Surigao del Norte.

“Nakigmeeting na ako sa tag–ija, sa presidente sa board ug sa airline company concerned diin gipresentar nila daku ang matud pa factors ug mga rason ngano giundang. Kana nga mga butanga, of course dili man nato malikajan … Just to give you an idea, it’s the increase on the prices of aviation gasoline,” matud ni Gob Lyndon

Sumala sa kanhi gobernador, usa usab sa factors ngano mihunong na pagserbisyo ang maong airline company, tungod usab sa maot nga panahon sa lalawigan nga nakaparesulta sa pagkanselar sa ilang mga flights.

Gisulti ni Gob. Barbers, nga ang nagkagamay pod nga mga passenger load sa biyahe Surigaonon adto man sa Butuan magsakayan tungod sa promo nga gihatag sa mga airline companies didto sa Butuan), maoy usa sa nakapaundang sa operasyon sa Asian Spirit sa Surigao.

Nanawagan karon ang kanhi gobernador nga kinahanglan sulbaron gyud sa mga kadagkuan sa syudad ug lalawigan ang problema sa passenger loads aron dili mabitay ang programa sa turismo tungod sa kawalay eroplano.

“Sakyan nato ang eroplano dakan dili kita maglabad total kita raman gihapon ang mamalikas sa atong kaugalingon kung mawaya na an eroplano, ya may ato mahimo kay dili man kita tag –ija,” dugang ni kanhi gob Barbers. (Fryan E. Abkilan)

Read More...

Gikumpirmar mismo ni Surigao del Norte Gov. Robert Ace Barbers ang pagahimuong 9th Phil. Hobie Challenge. Karong tuiga gitawag kini nga LUVMINDA Challenge nga magsugod karong Pebrero 16 sa Gubat Bay, Sorsogon ug tapuson kini sa Isla Siargao partikularmente sa Gen. Luna karong Pebrero 23. Para sa dugang detalye pakibisita ang http://surigaotoday.blogspot.com.

Read More...

MAGLABU LABO na ba bisan ang magparyente sa umaabot nga eleksyon sa 2010 dinhi sa Surigao?

Mao kini ang nahimong dakong pangutana kagahapon, human milanog ang posibilidad sa panagsumpay sa pamilyang Sering ug Barbers aron mahipadayon ang mga interes-pulitikal.

Ang orihinal nga managsumpay mao ang pamilyang Sering ug Barbers nga giingong managparyente.

Mismong si Surigao del Norte governo0r Robert Ace Barbers, atoll sa pakighinabi sa media niadtong Sabado nagklaro nga “posible ang panaghiusa” sa mga Sering ug Barbers sa umaabot nga eleksyon sa 2010.

“Posible ang panaghiusa bisan kanin-o, kami open kami sumaya nasinati nijo an pagdumaya nan mga Barbers. Gani jaoy mga nahitabo na naghiusa unya gibiyaan kami kadtong sa panahon sa nasakit ug napatay ang among amahan (Sen. Robert Z. Barbers). Open gihapon kami sa panaghiusa kay usa kana nga prinsipyo sa among pamilya, unity kay matud pa lage sa among amahan, there is always strength in numbers,” pasabot ni Gob. Ace Barbers.

Karong bag-o, misulbong ang mga hugon-hugon alang sa gitawag nila ug B-B-S tandem nga ilang gibatbat ug Ace Barbers pagka Congressman, Lyndon Barbers pagka Gobernador ug Cocoy Sering pagka Mayor sa 2010.

Sa kampo sa mga Sering, mipagawas na ug pamahayag si kanhi Mayor Goding Sering bag-uhay pa lamang nga dili na posible ang Nitoy Matugas-Cocoy Sering sa 2010.

Kinsa human usab gibaniog nga si Nitoy Matugas mudagan na usab sa isip mayor sa sunod nga eleksyon. Si Surigao City Vice Mayor Cocoy Sering gitakdang mohulip kang Surigao City Mayor Alfonso Casurra nga mu-expire na ang termino.

“Mas hamok, mas magana mas kusog mas lig-on,” sulti ni Barbers.

Dugang pa ni Gob. Barbers nga bisan ang mga taong nagluib kanila andam nilang dawaton kay lage ila na kining gikalimtan.

Sa iyang bahin usab si kanhi Gobernador Robert Lyndon Barbers nagklaro nga way lamat ang relasyon nila sa pamilyang Sering ug Barbers.

Gipasabot ni Gob. Lyndon nga sukad sa iyang pagpangatundanan niadtong 2001 “way ako nasinati na nagkabangi mi nan pamilya Sering, gane dako ang akong respeto dila, nasayod man kamo jaon. Samtang buhi pa si Tatay Peping ang ato kanhi gobernador giidolo man gajud nako sija…tagtagaan ako nija nan tambag unsaon nako pagkuan sa kapitolyo, in fact, I took all his advices. Second si Tatay Goding, daku ako respeto sa ija kan Cocoy amigo man kami ni Cocoy. Way labot nan pulitika basta magkita kami,” dason ni kanhi Gob. Lyndon.

Si Gob. Lyndon, nagklaro hinuon nga mibalik siya sa Surigao del Norte dili para mamulitika kundili aron lang sa pagbisita sa mga Surigaonon kay gibati siyag kamingaw sa iyang pinalanggang probinsya. (Periodico Surigao)

Read More...